| e-texts navigator |
| Wylie |
402b1 གསེར་གྱི་ཕུར་པ་འདྲིལ།། སྲི་གལ་མུ་ཁ་ཞེས་བྱ་བ།། ཟངས་ཀྱི་ཝ་མོ་རྐང་གསུམ་ལ།། ཟངས་ཀྱི་མི་མོ་རལ་ཅན་ཞོན།། ལག་ན་ཟངས་ཀྱི་ཕུར་བུ་འདྲི་ལ།། ཤྲ་ན་མུ་ཁ་ཞེས་བྱ་བ།། ལྕགས་ཀྱི་ཁྱི་མོ་རལ་པ་ཅན།། མི
402b2 མོ་ལྕགས་ཀྱི་རལ་ཅན་ཞོན།། ལག་ན་དུང་གི་ཕུར་པ་འདྲིལ།། རེ་མ་ཏི་ཞེས་བྱ་བ་ནི།། ནག་མོ་རལ་པས་སྟོང་ཁམས་ཁྱབ།། གཡས་ན་མཆོག་གི་ཕུར་པ་འདྲིལ།། ཆིབས་སུ་དྲིལ་རྟ་རྐང་གསུམ་བཅིབས།། རེ་མ་ཛ
402b3 ཞེས་བྱ་བ་ནི།། སེར་ནག་རྨ་བྱའི་ཐུལ་པ་གསོལ།། ཕྱག་ན་མཆོག་གི་ཕུར་པ་བསྣམས།། ཆིབས་སུ་དྲིལ་རྟ་རྐང་གསུམ་བཅིབས།། རེ་མ་ཛི་ཞེས་བྱ་བ་ནི།། དམར་ནག་རེ་ལྡེ་ནག་པོ་གསོལ།། ཕྱག་ན་མཆོག་གི་ཕུར་པ
402b4 བསྣམས།། ཆིབས་སུ་དྲིལ་རྟ་རྐང་གསུམ་བཅིབས།། རེ་མ་ཛུ་ཞེས་བྱ་བ་ནི།། ལྗང་ནག་དར་ནག་གོ་ཟུ་གསོལ།། ཕྱག་ན་མཆོག་གི་ཕུར་པ་བསྣམས།། ཆིབས་སུ་དྲིལ་རྟ་རྐང་གསུམ་བཅིབས།། རྡོ་རྗེ་ཡ་བྱིན་ཞེས་བྱ
402b5 བ།། མཐིང་ནག་ལྕགས་ཕུར་རལ་པ་ཅན།། ཆིབས་སུ་བདུད་རྟ་ནག་པོ་བཅིབས།། རྡོ་རྗེ་དེ་བྱིན་ཞེས་བྱ་བ།། སེར་པོ་གསེར་ཕུར་རལ་པ་ཅན།། ལག་ན་གསེར་གྱི་ཕུར་པ་འདྲིལ།། ཆིབས་སུ་གཟའ་རྟ་སེར་པོ
402b6 བཅིབས།། རྡོ་རྗེ་བསེ་བྱིན་ཞེས་བྱ་བ།། དམར་མོ་བསེ་ཕུར་རལ་པ་ཅན།། ལག་ན་བསེ་ཡི་ཕུར་བུ་འདྲིལ།། ཆིབས་སུ་བཙན་རྟ་དམར་པོ་ཆིབས།། རྡོ་རྗེ་ཕག་བྱིན་ཞེས་བྱ་བ།། ལྗང་མོ་གཡུ་ཕུར་རལ་པ་ཅན།། ལག
iiif viewer powered by OpenSeadragon
