| e-texts navigator |
| Wylie |
399b1 ཞུང་།། ལག་ན་ཟངས་ཀྱི་རྔེའུ་ཆུང་བརྡུང་།། ཆེ་མཆོག་ཡོན་ཏན་གྱི་བཀའ་སྲུང་ཅེ་སྤྱང་མ་བརྒྱད་ཀྱི་སྐུ་མདོག་ཕྱག་མཚན་བསྟན་པའི་ལེའུ་སྟེ་ལྔ་བཅུ་ང་གཉིས་པའོ།། །། ཡང་དག་ཐུགས་ཀྱི་བཀའ་སྲུང
399b2 ནི།། སྲིན་མོ་ཉི་ཤུ་རྩ་བརྒྱད་དེ།། སྐུ་མདོག་ཕྱག་མཚན་བསྟན་པ་ནི།། ཤར་གྱི་ཕྱོགས་ཀྱི་སྲིན་མོ་དྲུག། སྨུག་ནག་གཡག་གི་མགོ་བོ་ཅན།། ཞིང་དབྱུག་གཡས་ལ་བྷན་དམར་གཡོན།། དམར་སེར་སྦྲུལ་གྱི་མགོ་བོ
399b3 ཅན།། རྩེ་ལྔ་གཡས་ལ་བྷནྡ་གཡོན།། སེར་ནག་གཟིག་གི་མགོ་བོ་ཅན།། སྤུ་གྲི་གཡས་ལ་བྷན་དམར་གཡོན།། དཀར་དམར་སྲེ་མོའི་མགོ་བོ་ཅན།། དུང་ཆེན་གཡས་ལ་བྷནྡ་གཡོན།། སེར་ནག་པ་ཝང་མགོ་བོ
399b4 ཅན།། འཁོར་ལོ་གཡས་ལ་བྷན་དམར་གཡོན།། དམར་སེར་དྲེད་ཀྱི་མགོ་བོ་ཅན།། ཞིང་དབྱུག་གཡས་ལ་བྷན་དམར་གཡོན།། ལྷོ་ཡི་ཕྱོགས་ཀྱི་སྲིན་མོ་དྲུག། དམར་ནག་དོམ་གྱི་མགོ་བོ་ཅན།། ཞིང་དབྱུག་གཡས་ལ
399b5 བྷན་དམར་གཡོན།། སྔོ་ནག་ཆུ་སྲིན་མགོ་བོ་ཅན།། ཞིང་ཆེན་གཡས་ལ་བྷན་དམར་གཡོན།། སྔོ་ནག་སྡིག་པའི་མགོ་བོ་ཅན།། གློ་སྙིང་གཡས་ལ་བྷནྡ་གཡོན།། སེར་ནག་ཁྲ་ཡི་མགོ་བོ་ཅན།། རྡེའུ་ཆུང་གཡས་ལ་བྷན
399b6 དམར་གཡོན།། སྲིན་མོ་དམར་མོ་ཝ་ཡི་མགོ། རྡོ་རྗེ་གཡས་ལ་ཐོད་ཁྲག་གཡོན།། མཐིང་ནག་སྟག་གི་མགོ་བོ་ཅན།། ཞིང་དབྱུག་གཡས་ལ་བྷན་དམར་གཡོན།། ནུབ་ཀྱི་ཕྱོགས་ཀྱི་སྲིན་མོ་དྲུག། དམར་ནག་བྱ་རྒོད
iiif viewer powered by OpenSeadragon
