| e-texts navigator |
| Wylie |
396b1 ཉི་ཟེར་གཡོན།། ཆིབས་སུ་སེང་གེ་དཀར་པོ་བཅིབས།། རྒྱལ་པོ་ཆེན་པོ་བེ་ཧར་ནི།། སྐུ་མདོག་དཀར་གསལ་འབར་བ་ལ།། སྐུ་ལ་དོམ་གྱི་སློག་པ་གསོལ།། བདུད་ཞགས་གཡས་ལ་སྤུ་གྲི་གཡོན།། ཆིབས་སུ་བན
396b2 གླང་སྣ་རིང་བཅིབས།། སྐྱེས་བུ་སྐུ་ལྷ་གསང་བ་ནི།། སྐུ་མདོག་དཀར་པོ་འབར་བ་ལ།། སྐྱེན་དཀར་སྟོད་ཀྱི་སློག་པ་གསོལ།། རྡོ་རྗེ་གཡས་ལ་རུ་མཚོན་གཡོན།། ཆིབས་སུ་ར་སྐྱེས་དཀར་པོ་ཆིབས།། མགོན་པོ་མ་ཧཱ
396b3 ཀཱ་ལ་ནི།། སྐུ་མདོག་མཐིང་ནག་འབར་བ་ལ།། ན་བཟའ་ལྗང་ནག་བེར་ཆེན་གསོལ།། གྲི་གུག་གཡས་ལ་བིང་ཆེན་གཡོན།། ཆིབས་སུ་བདུད་རྟ་ནག་པོ་བཅིབས།། རེ་རེ་ལ་ཡང་འཁོར་གཡོག་ནི།། འབུམ་ཕྲག
396b4 གཉིས་གཉིས་འཁོར་དང་ལྡན།། སྤྲུལ་པ་ཡང་སྦྲུལ་བསམ་མི་ཁྱབ།། ཅེས་གསུངས་སོ།། འཇིག་རྟེན་མཆོད་རྟེན་གྱི་ལྷ་ཚོགས་ཀྱི་སྐུ་མདོག་ཕྱག་མཚན་བསྟན་པའི་ལེའུ་སྟེ་བཞི་བཅུ་ཞེ་དགུ་པའོ།། །། དམོད
396b5 པ་དྲག་སྔགས་ལྷ་ཚོགས་ཀྱི།། སྐུ་མདོག་ཕྱག་མཚན་བསྟན་པ་ནི།། ལྷ་མཆོག་སྟོབས་ལྡན་ནག་པོ་ནི།། དབུ་གསུམ་ཕྱག་དྲུག་ཞབས་བཞི་བགྲད།། དབུ་གསུམ་མཐིང་ནག་དྲག་པོའི་ཞལ།། ཕྱག་དྲུག་གཡས་གཡོན
396b6 དང་པོ་རྡོ་རྗེས་དུང་ཁྲག་དཀྲུགས།། གཡས་ཀྱི་གཉིས་ན་ལྷ་བརྒྱད་ཙིཏྟ་བསྣམས།། གཡོན་གྱི་གཉིས་ན་ཀླུ་བརྒྱད་ཙིཏྟ་བསྣམས།། ཞབས་བཞིས་དྲེགས་པ་ཕོ་མོ་གཟིར།། འབྱུང་བ་ལྔ་ཡི་བདག་མོ་ནི།། ཞལ་གཅིག།
iiif viewer powered by OpenSeadragon
