| e-texts navigator |
| Wylie |
395b1 ཡཀྵ་སྔོན་མོ་ནི།། སྐུ་སྟོད་དུད་ཁ་ནག་པོ་ལ།། སྐུ་སྨད་གདུག་པ་སྦྲུལ་དུ་འཁྱིལ།། སྦྲུལ་ཞགས་གཡས་ལ་ནད་རྐྱལ་གཡོན།། ཆིབས་སུ་རུས་སྦལ་ནག་པོ་བཅིབས།། སྲིད་པའི་ལྷ་རབ་ཤམ་པོ་ནི།། སྐུ་མདོག་དཀར
395b2 གསལ་གངས་རི་འདྲ།། སྐུ་ལ་དར་དཀར་རལ་ག་གསོལ།། དར་མདུང་གཡས་ལ་ཤེལ་གྲི་གཡོན།། ཆིབས་སུ་ལྷ་གཡག་དཀར་པོ་བཅིབས།། སྐྱེས་བུ་གནམ་ཐེའུ་དཀར་པོ་ནི།། སྐུ་མདོག་དཀར་གསལ་འབར་བ
395b3 ལ།། ན་བཟའ་ཟ་འོག་བེར་ཆེན་གསོ།། དར་མདུད་གཡས་ལ་རལ་གྲི་གཡོན།། ཆིབས་སུ་རྟ་དཀར་ཕྲུམ་དམར་བཅིབས།། ཤར་དུ་སྤྱི་བདུད་གུ་རུམ་རྩེ།། སྐུ་མདོག་དཀར་གསལ་འབར་བ་ལ།། ན་བཟའ་རྒྱ་བྱེས
395b4 དཀར་པོ་གསོལ།། རུ་མཚོན་གཡས་ལ་རལ་གྲི་གཡོན།། ཆིབས་སུ་རྡོ་རྟ་གྲོ་བོ་བཅིབས།། མ་མོ་སྲིད་པའི་རྒྱལ་མོ་ནི།། སྐུ་མདོག་དཀར་གསལ་འབར་བ་ལ།། ན་བཟའ་དར་དཀར་གོ་ཟུ་གསོལ།། འཁོར་ལོ་གཡས
395b5 ལ་མེ་ལོང་གཡོན།། ཆིབས་སུ་འབྲུག་མོ་རལ་ཆེན་བཅིབས།། སྔགས་སྲུང་ཨེ་ཀ་ཛ་ཊི་ནི།། སྐུ་མདོག་མཐིང་ནག་འབར་བ་ལ།། ན་བཟའ་དར་ནག་བེར་ཆེན་གསོལ།། ཙིཏྟ་གཡས་ལ་སྤྱང་མོ་གཡོན།། ཆིབས་སུ་དྲིལ
395b6 རྟ་ནག་པོ་བཅིབས།། དཔལ་ལྡན་ནག་མོ་མགྱོགས་བྱེད་མ།། སྐུ་མདོག་ནག་མོ་འབར་བ་ལ།། ན་བཟའ་དར་ནག་གོ་ཟུ་གསོལ།། ཚོན་དྲུབ་གཡས་ལ་ནད་རྐྱལ་གཡོན།། ཆིབས་སུ་སོ་བྱ་རོག་པོ་བཅིབས།། བན་ཆེན
iiif viewer powered by OpenSeadragon
