| e-texts navigator |
| Wylie |
391b1 སྐུ་ལ་འཁྲིལ།། གཡས་པ་རྩེ་གསུམ་གཡོན་པ་དུང་ཁྲག་སྟོབ།། ཡབ་ཀྱི་སྤྲུལ་པ་དྲེད་ཀྱི་མགོ་བོ་ཅན།། གཡས་པ་རྡོ་རྗེ་གཡོན་པ་ཕུར་པ་འདྲིལ།། ཡུམ་གྱི་སྤྲུལ་པ་བྱི་བའི་མགོ་བོ་ཅན།། གཡས་པ་སོགས་ལེ་གཡོན་པ
391b2 ཕུར་བུ་འདྲིལ།། སྒོ་བ་དཀར་པོ་ལྕགས་ཀྱུ་པུ་ཤུད་མགོ། སྒོ་བ་སེར་པོ་ཞགས་པ་སྐྱ་ཀའི་མགོ། སྒོ་བ་དམར་པོ་ལྕགས་སྒྲོག་སྲིན་བྱའི་མགོ།། སྒོ་བ་ལྗང་གུ་དྲིལ་བུ་ཁྲ་ཡི་མགོ།། ཕུར་པ་ཕྲིན་ལས་ཀྱི་ལྷ་ཚོགས་ཀྱི་སྐུ
391b3 མདོག་ཕྱག་མཚན་བསྟན་པའི་ལེའུ་སྟེ་བཞི་བཅུ་ཞེ་བདུན་པའོ།། །། མ་མོ་རྦོད་གཏོང་ལྷ་ཚོགས་ཀྱི།། སྐུ་མདོག་ཕྱག་མཚན་བསྟན་པ་ནི།། བཅོམ་ལྡན་བླ་མེད་ཧེ་རུ་ཀ། སྐུ་ནི་མཐིང་ནག་འཇིགས་ཚུལ
391b4 ཅན།། གཡས་དཀར་གཡོན་དམར་དབུས་མཐིང་ཞལ།། རྡོ་རྗེ་སྦྲུལ་ཁྱུང་སྦྲུལ་ཞགས་གཡས།། བྷནྡ་ཞིང་གཡབ་གའུ་གཡོན།། དུར་ཁྲོད་འཇིགས་པའི་ཆས་ཀྱིས་བརྒྱན།། ཞབས་བཞི་བགྲད་པས་མ་མོ་གཟིར།། ཡུམ
391b5 ཆེན་ཀུན་ཏུ་བཟང་མོ་ནི།། བཞི་ཟུར་ཞབས་བརྒྱད་ཕྱོགས་མཚམས་གནོན།། མཁའ་བཞི་བདེ་ཀློང་གཅིག་ཏུ་འཁྱིལ།། དབུ་གཅིག་ཞལ་ལྔ་སྲིད་པ་གསལ།། ཕ་རོལ་ཕྱིན་དྲུག་ཕྱག་རྒྱ་ལ།། དང་པོ་རྡོ་རྗེ་དྲིལ་བུ
391b6 འབར།། བར་མ་དྲིལ་ཞགས་བྷནྡ་ལྡན།། ཐ་མ་བདུད་རྩི་གཡང་གཞིར་ལྡན།། སྣ་ཚོགས་བསྒྱུར་བའི་སྐུ་མདོག་ལ།། ན་བཟའ་སྣ་ཚོགས་ཤིན་ཏུ་འབར།། ཤར་གྱི་མཁའ་འགྲོ་སེང་གེའི་གདོང་།། རྟག་པའི་རྒྱལ་མོ
iiif viewer powered by OpenSeadragon
