| e-texts navigator |
| Wylie |
391a1 ནམ་མཁའི་མཐའ་མཉམ་གདེངས།། ཞབས་བཞི་བརྐྱངས་བསྐུམས་གནོད་སྦྱིན་གདན་ལ་བཞུགས།། ཡུམ་ཆེན་རྡོ་རྗེ་རླུང་འབྱིན་སྐུ་ལ་འཁྲིལ།། གཡས་པ་དགྲ་སྟ་གཡོན་པ་དུང་ཁྲག་སྟོབ།། ཡབ་ཀྱི
391a2 སྤྲུལ་པ་སེང་གེའི་མགོ་བོ་ཅན།། གཡས་པ་རྡོ་རྗེ་གཡོན་པ་ཕུར་པ་འདྲིལ།། ཡུམ་གྱི་སྤྲུལ་པ་ཕ་ཝང་མགོ་བོ་ཅན།། གཡས་པ་མེ་སྒྲོན་གཡོན་པ་ཕུར་བུ་འདྲིལ།། ཁམས་གསུམ་རྣམ་རྒྱལ་དཀར་དང་དམར་བའི
391a3 ཞལ།། གཡས་གཡོན་དང་པོ་རྡོ་རྗེས་དུང་ཁྲག་དཀྲུགས།། བར་མ་གཉིས་ན་རྡོ་རྗེ་སྦྲུལ་ཞགས་བསྣམས།། ཐ་མ་གཉིས་ན་རི་རབ་ཕུར་བུ་འདྲིལ།། རྡོ་རྗེའི་གཤོག་པ་ནམ་མཁའི་མཐའ་མཉམ་གདེངས།། ཞབས་བཞི
391a4 བརྐྱངས་བསྐུམས་བགེགས་ཀྱི་གདན་ལ་བཞུགས།། ཡུམ་ཆེན་རྡོ་རྗེ་གསོད་བྱེད་སྐུ་ལ་འཁྲིལ།། གཡས་པ་གྲི་གུག་གཡོན་པ་དུང་ཁྲག་སྟོབ།། ཡབ་ཀྱི་སྤྲུལ་པ་དོམ་གྱི་མགོ་བོ་ཅན།། གཡས་པ་དྲིལ་བུ་གཡོན་པ་ཕུར
391a5 པ་འདྲིལ།། ཡུམ་གྱི་སྤྲུལ་པ་སྲེ་མོའི་མགོ་བོ་ཅན།། གཡས་པ་ལྕགས་ཀྱུ་གཡོན་པ་ཕུར་བུ་འདྲིལ།། སྟོབས་ཆེན་དུད་ཀ་ནག་དང་ལྗང་གུའི་ཞལ།། གཡས་གཡོན་དང་པོ་རྡོ་རྗེས་དུང་ཁྲག་དཀྲུགས།། བར་མ་གཉིས
391a6 ན་ཐོ་བ་ཞགས་པ་བསྣམས།། ཐ་མ་གཉིས་ན་རི་རབ་ཕུར་བུ་འདྲིལ།། རྡོ་རྗེའི་གཤོག་པ་ནམ་མཁའི་མཐའ་མཉམ་གདེངས།། ཞབས་བཞི་བརྐྱངས་བསྐུམས་ས་བདག་གདན་ལ་བཞུགས།། ཡུམ་ཆེན་རྡོ་རྗེ་སྐུལ་བྱེད
iiif viewer powered by OpenSeadragon
