| e-texts navigator |
| Wylie |
390b1 གཡོན་དང་པོ་རྡོ་རྗེས་དུང་ཁྲག་དཀྲུགས།། བར་མ་གཉིས་ན་སྤུ་གྲི་ཞགས་པ་བསྣམས།། ཐ་མ་གཉིས་ན་རི་རབ་ཕུར་བུ་འདྲིལ།། རྡོ་རྗེའི་གཤོག་པ་ནམ་མཁའི་མཐའ་མཉམ་གདེངས།། ཞབས་བཞི་བརྐྱངས
390b2 བསྐུམས་ཆུ་ལྷའི་གདན་ལ་ཞུགས།། ཡུམ་ཆེན་རྡོ་རྗེ་གཏུམ་མོ་སྐུ་ལ་འཁྲིལ།། གཡས་པ་སྤུ་གྲི་གཡོན་པ་དུང་ཁྲག་སྟོབ།། ཡབ་ཀྱི་སྤྲུལ་པ་བྱི་ལའི་མགོ་བོ་ཅན།། གཡས་པ་ཞགས་པ་གཡོན་པ་ཕུར་པ་འདྲིལ།། ཡུམ
390b3 གྱི་སྤྲུལ་པ་པུ་ཤུད་མགོ་བོ་ཅན།། གཡས་པ་སྤུ་གྲི་གཡོན་པ་ཕུར་བུ་འདྲིལ།། འདོད་རྒྱལ་དམར་སྐྲ་སེར་དང་ལྗང་དགུའི་ཞལ།། གཡས་གཡོན་དང་པོ་རྡོ་རྗེས་དུང་ཁྲག་དཀྲུགས།། བར་མ་གཉིས་ན་བ་དན་རྔ་ཡབ
390b4 བསྣམས།། ཐ་མ་གཉིས་ན་རི་རབ་ཕུར་བུ་འདྲིལ།། རྡོ་རྗེའི་གཤོག་པ་ནམ་མཁའི་མཐའ་མཉམ་གདེངས།། ཞབས་བཞི་བརྐྱངས་བསྐུམས་རླུང་ལྷའི་གདན་ལ་བཞུགས།། ཡུམ་ཆེན་རྡོ་རྗེ་མདའ་སྙེམས་སྐུ་ལ
390b5 འཁྲིལ།། གཡས་པ་ཐོ་བ་གཡོན་པ་དུང་ཁྲག་སྟོབ།། ཡབ་ཀྱི་སྤྲུལ་པ་སྦྱང་ཀིའི་མགོ་བོ་ཅན།། གཡས་པ་བ་དན་གཡོན་པ་ཕུར་པ་འདྲིལ།། ཡུམ་གྱི་སྤྲུལ་པ་ཁྲ་ཡི་མགོ་བོ་ཅན།། གཡས་པ་རྔ་ཡབ་གཡོན་པ་ཕུར་བུ
390b6 འདྲིལ།། བདུད་རྩི་འཁྱིལ་པ་ལྗང་ནག་དཀར་དམར་ཞལ།། གཡས་གཡོན་དང་པོ་རྡོ་རྗེས་དུང་ཁྲག་དཀྲུགས།། བར་མ་གཉིས་ན་རྒྱ་གྲམ་དྲིལ་བུ་བསྣམས།། ཐ་མ་གཉིས་ན་རི་རབ་ཕུར་བུ་འདྲིལ།། རྡོ་རྗེའི་གཤོག་པ
iiif viewer powered by OpenSeadragon
