| e-texts navigator |
| Wylie |
389a1 ཟླུམ་པོ་ཨེ་ཡི་གདན་ལ་བཞུགས།། ལྷོ་ཕྱོགས་སྲས་མཆོག་རཏྣ་ཀི་ལ་ཡ།། དབུ་གསུམ་གཡས་དཀར་གཡོན་དམར་དབུས་སེར་ཞལ།། གཡས་གཡོན་དང་པོ་མེ་དང་དགྲ་སྟ་བསྣམས།། བར་མ་གཉིས
389a2 ན་རལ་གྲི་བེ་ཅོན་བསྣམས།། ཐ་མ་གཉིས་ན་རི་རབ་ཕུར་བུ་འདྲིལ།། སྐུ་སྨད་གསེར་ཕུར་གྲུ་བཞི་ཨེ་ཡི་གདན་ལ་བཞུགས།། ནུབ་ཀྱི་སྲས་མཆོག་པདྨ་ཀཱི་ལ་ཡ།། དབུ་གསུམ་གཡས་དཀར་གཡོན་སེར་དབུས་དམར
389a3 ཞལ།། གཡས་གཡོན་དང་པོ་རལ་གྲི་མདུང་ཐུང་བསྣམས།། བར་མ་གཉིས་ན་མདའ་གཞུ་འགེངས་ཤིང་འཕེན།། ཐ་མ་གཉིས་ན་རི་རབ་ཕུར་བུ་འདྲིལ།། སྐུ་སྨད་ཟངས་ཕུར་ཟླ་གམ་ཨེ་ཡི་གདན་ལ་བཞུགས།། བྱང
389a4 གི་སྲས་མཆོག་ཀརྨ་ཀཱི་ལ་ཡ།། དབུ་གསུམ་གཡས་དཀར་གཡོན་དམར་དབུས་ལྗང་ཞལ།། གཡས་གཡོན་དང་པོ་མདུང་དང་གྲི་གུག་བསྣམས།། བར་མ་གཉིས་ན་ལྕགས་ཀྱུ་རལ་གྲི་བསྣམས།། ཐ་མ་གཉིས་ན་རི
389a5 རབ་ཕུར་བུ་འདྲིལ།། སྐུ་སྨད་ལྕགས་ཕུར་ཟུར་གསུམ་ཨེ་ཡི་གདན་ལ་བཞུགས།། ཧཱུཾ་ཆེན་སྔོ་སྐྱ་སེར་དང་དམར་བའི་ཞལ།། གཡས་གཡོན་དང་པོ་རྡོ་རྗེས་དུང་ཁྲག་དཀྲུགས།། བར་མ་གཉིས་ན་མདའ་གཞུ་འགེངས
389a6 ཤིང་འཕེན།། ཐ་མ་གཉིས་ན་རི་རབ་ཕུར་བུ་འདྲིལ།། རྡོ་རྗེའི་གཤོག་པ་ནམ་མཁའི་མཐའ་མཉམ་གདེངས།། ཞབས་བཞི་བརྐྱངས་བསྐུམས་ཚངས་པའི་གདན་ལ་བཞུགས།། ཡུམ་ཆེན་རྡོ་རྗེ་སྒྲ་འབྱིན་སྐུ་ལ
iiif viewer powered by OpenSeadragon
