| e-texts navigator |
| Wylie |
388b1 གཡོན།། ཞབས་བཞི་བརྐྱངས་བསྐུམས་ཟིལ་གནོན་ཚུལ་དུ་བགྲད།། དབུ་གཙུག་རྟ་མགོ་ལྗང་གུ་རྟ་སྐད་འཚེར།། ཡུམ་ཆེན་གནོད་སྦྱིན་ལས་བྱེད་སྐུ་ལ་འཁྲིལ།། གཡས་པ་ཡབ་འཁྱུད་གཡོན་པ་དུང་དམར
388b2 སྟོབ།། སྒོ་བ་དཀར་པོ་ལྕགས་ཀྱུ་ཐོགས།། སྒོ་བ་སེར་པོ་ཞགས་པ་བསྣམས།། སྒོ་བ་དམར་པོ་ལྕགས་སྒྲོག་ཐོགས།། སྒོ་བ་ལྗང་གུ་དྲིལ་བུ་ཐོགས།། པདྨ་གསུང་གི་ལྷ་ཚོགས་ཀྱི་སྐུ་མདོག་ཕྱག་མཚན་བསྟན་པའི་ལེའུ
388b3 སྟེ་བཞི་བཅུ་ཞེ་དྲུག་པའོ།། །། ཕུར་པ་ཕྲིན་ལས་ལྷ་ཚོགས་ཀྱི།། སྐུ་མདོག་ཕྱག་མཚན་བསྟན་པ་ནི།། བཅོམ་ལྡན་དཔལ་ཆེན་རྡོ་རྗེ་གཞོན་ནུ་ནི།། དབུ་གསུམ་ཕྱག་དྲུག་ཞབས་བཞི་སྐུ་མདོག་མཐིང་།། གཡས
388b4 དཀར་གཡོན་དམར་དབུས་ནི་མཐིང་ནག་ཞལ།། གཡས་གཉིས་རྡོ་རྗེ་རྩེ་དགུ་རྩེ་ལྔ་བསྣམས།། གཡོན་གྱི་གཉིས་ན་ཁ་ཊྭཱཾ་མེ་དཔུང་བསྣམས།། ཐ་མ་གཉིས་ན་རི་རབ་ཕུར་བུ་འདྲིལ།། དུར་ཁྲོད་འཇིགས་པའི་ཆས
388b5 བརྒྱད་སྐུ་ལ་བརྒྱན།། འཁོར་ལོ་རྒྱས་འདེབས་མཐིང་ནག་སྐུ་ལ་འཁྲིལ།། གཡས་པ་ཁ་ཊྭཱཾ་ཐོགས་ནས་ཡབ་ལ་འཁྱུད།། གཡོན་པ་དུང་ཁྲག་གཙོ་ལ་སྟོབ་པར་བྱེད།། ཐུགས་ཀྱི་སྲས་མཆོག་བུདྡྷ་ཀཱི་ལ་ཡ།། དབུ་གསུམ
388b6 གཡས་དཀར་གཡོན་དམར་དབུས་མཐིང་ཞལ།། ཕྱག་དྲུག་གཡས་གཡོན་དང་པོ་རྡོ་རྗེ་དགྲ་སྟ་བསྣམས།། བར་མ་གཉིས་ན་རྒྱུ་ཞགས་རལ་གྲི་བསྣམས།། ཐ་མ་གཉིས་ན་རི་རབ་ཕུར་བུ་འདྲིལ།། སྐུ་སྨད་དངུལ་ཕུར
iiif viewer powered by OpenSeadragon
