| e-texts navigator |
| Wylie |
387a1 བཅུ་ཞེ་ལྔ་པའོ།། །། པདྨ་གསུང་གི་ལྷ་ཚོགས་ཀྱི།། སྐུ་མདོག་ཕྱག་མཚན་བསྟན་པ་ནི།། བཅོམ་ལྡན་དཔལ་ཆེན་རྟ་མགྲིན་རྒྱལ་པོ་ནི།། སྐུ་མདོག་དམར་པོ་བསྐལ་པའི་མེ་ལྟར་འབར།། དབུ
387a2 གསུམ་གཡས་དཀར་གཡོན་སྔོ་དབུས་དམར་ཞལ།། ཕྱག་དྲུག་ཁ་ཊྭཱཾ་རྡོ་རྗེ་སྦྲུལ་ཞགས་གཡས།། དྲིལ་བུ་བྷན་དམར་ལྕགས་སྒྲོལ་གཡོན་ན་བསྣམས།། དབུ་གཙུག་རྟ་མགོ་ལྗང་གུ་རྟ་སྐད་འཚེར།། ཞབས་བཞི
387a3 བརྐྱངས་བསྐུམས་གདུག་པའི་ཀླུ་རྣམས་འདུལ།། ཡུམ་ཆེན་ཨེ་ཀ་ཙ་ཏི་སྐུ་ལ་འཁྲིལ།། སྐུ་མདོག་དམར་ནག་སྤྱན་གསུམ་སྡང་མིག་བགྲད།། གཡས་པ་ཁ་ཊྭཱཾ་བསྣམས་ནས་ཡབ་ལ་འཁྱུད།། གཡོན་པ་དུང་དམར་གཙོ
387a4 ལ་སྟོབ་པར་བྱེད།། སྤྲུལ་པའི་ཕྲ་མེན་བྱི་ལ་པུ་ཤུད་མགོ། སྐུ་མདོག་དམར་ནག་བསྐལ་པའི་མེ་རི་འདྲ།། གཡས་པ་ལྕགས་ཀྱུ་གཡོན་པ་ཕུར་བུ་འདེབས།། ཡེ་ཤེས་ཟིལ་གནོན་ཁྲོ་བོའི་རྒྱལ་པོ་ནི།། སྐུ་མདོག་དམར
387a5 ནག་སེར་ཡང་ཞལ་གསུམ་ཕྱག་དྲུག་པ།། དབུ་གསུམ་གཡས་དཀར་གཡོན་སྔོ་སྡང་ཡང་དབུས་དམར་ཞལ།། གཡས་པ་འཁོར་ལོ་རྡོ་རྗེ་རིན་པོ་ཆེ།། གཡོན་པ་པདྨ་རལ་གྲི་དྲིལ་བུ་བསྣམས།། ཞབས་བཞི་བརྐྱངས་བསྐུམས
387a6 ཟིལ་གནོན་ཚུལ་དུ་བགྲད།། དབུ་གཙུག་རྟ་མགོ་ལྗང་གུ་རྟ་སྐད་འཚེར།། ཡུམ་ཆེན་མི་ཕམ་ཁྲོ་མོ་སྐུ་ལ་འཁྲིལ།། གཡས་པ་ཡབ་འཁྱུད་གཡོན་པ་དུང་དམར་སྟོབ།། ལས་ཀྱི་ཁྲོ་བོ་ཟིལ་གནོན་ཁྲོ་བོ་ནི།། དབུ་གསུམ
iiif viewer powered by OpenSeadragon
