| e-texts navigator |
| Wylie |
383b1 འཁོར་ལོ་ཏྲི་ཤཱུལ་བསྣམས།། མེ་ལྷ་འདུལ་བྱེད་དམར་སེར་མེ་དཔལ་དབྱུག་ཏོ་བསྣམས།། གཤིན་རྗེ་འདུལ་བྱེད་མཐིང་ནག་དགྲ་སྟ་ཟོད་དབྱུག་བསྣམས།། སྲིན་པོ་འདུལ་བྱེད་སྤུག་ནག་རལ་གྲི་ཞགས་པ
383b2 བསྣམས།། ཀླུ་རྣམས་འདུལ་བྱེད་དམར་པོ་སྤུ་གྲི་ཞགས་པ་བསྣམས།། རླུང་ལྷ་འདུལ་བྱེད་དམར་སྐྱ་བྷནྡ་རྔ་ཡབ་བསྣམས།། གནོད་སྦྱིན་འདུལ་བྱེད་ལྗང་གུ་རྒྱ་གྲམ་དྲིལ་བུ་བསྣམས།། བགེགས་རྣམས་འདུལ་བྱེད
383b3 མཐིང་ག་དགྲ་སྟ་རྩེ་གསུམ་བསྣམས།། ལྷ་གདོན་འདུལ་བྱེད་སྔོ་སྐྱ་མདའ་གཞུ་འགེངས། ས་བདག་འདུལ་བྱེད་དུད་ཀ་ཐོ་བཞགས་པ་ཐོགས།། ཡ་མཱནྟ་ཀྲྀཏ་དཀར་པོ་ལྕགས་ཀྱུ་བསྣམས། པྲཛྙཱནྟ་ཀྲྀཏ་སེར་པོ་ཞགས
383b4 པ་བསྣམས།། པདྨནྟ་ཀྲྀཏ་དམར་པོ་ལྕགས་སྒྲོག་ཐོགས།། བིགྷྣཱནྟ་ཀྲྀཏ་ལྗང་གུ་དྲིལ་བུ་བསྣམས། ཆེ་མཆོག་ཡོན་ཏན་ལྷ་ཚོགས་ཀྱི།། སྐུ་མདོག་ཕྱག་མཚན་བསྟན་པའི་ལེའུ་སྟེ་བཞི་བཅུ་གསུམ་པའོ།། །། ཡང
383b5 དག་ཐུགས་ཀྱི་ལྷ་ཚོགས་ཀྱི།། སྐུ་མདོག་ཕྱག་མཚན་བསྟན་པ་ནི།། བཅོམ་ལྡན་དཔལ་ཆེན་བཛྲ་ཧེ་རུ་ཀ། དབུ་གསུམ་མཐིང་ནག་དཀར་དང་དམར་བའི་ཞལ།། ཕྱག་དྲུག་རྡོ་རྗེ་ཁ་ཊྭཱཾ་རྡེའུ་ཆུང་གཡས།། ཏི་རིའི་དབྱུག
383b6 པ་དུང་དམར་རྒྱུ་ཞགས་གཡོན།། ཞབས་བཞི་ཐབས་དང་ཤེས་རབ་བརྐྱངས་བསྐུམས་བགྲད།། ཡུམ་ཆེན་བཛྲ་ཀྲོ་དྷཱི་ཤྭ་རཱི་སྐུ་ལ་འཁྲིལ།། གཡས་པ་ཁ་ཊྭཱཾ་གཡོན་པ་དུང་ཁྲག་སྟོབ། བཅོམ་ལྡན་ཁྲག་འཐུང་བུདྡྷ་ཧེ་རུ
iiif viewer powered by OpenSeadragon
