| e-texts navigator |
| Wylie |
383a1 འཁོར་ལོ་པདྨ་བསྣམས།། བར་མ་གཉིས་ནི་ཏི་ར་རྒྱུ་ཞགས་འདྲེན། ཐ་མ་གཉིས་ན་ཁྱུང་ཆེན་བ་སུ་འདྲེན། རཀྵ་ཀྲོ་དྷཱི་ཤྭ་རཱི་སྐུ་ལ་འཁྲིལ། གཡས་པ་འཁོར་ལོ་གཡོན་པ་དུང་དམར་སྟོབ།། བཅོམ་ལྡན
383a2 དཔལ་ཆེན་གུ་ཧྱ་ཧེ་རུ་ཀ། དབུ་གསུམ་སེར་ནག་མཐིང་དཀར་དམར་བའི་ཞལ།། གཡས་གཡོན་དང་པོ་རིན་ཆེན་ཐོད་ཁྲག་བསྣམས།། བར་མ་གཉིས་ན་དགྲ་སྟ་རྒྱུ་ཞབས་འདེབས།། ཐ་མ་གཉིས་ན་སྟོང་གི་འཇིག
383a3 རྟེན་བསྣམས། གུ་ཧྱ་ཀྲོ་དྷི་ཤྭ་རཱི་སྐུ་ལ་འཁྲིལ།། གཡས་ན་རིན་ཆེན་གཡོན་པ་དུང་དམར་སྟོབ།། བཅོམ་ལྡན་དཔལ་ཆེན་བི་ཤྲ་ཧེ་རུ་ཀ། དབུ་གསུམ་དམར་ནག་མཐིང་ག་དཀར་པོའི་ཞལ།། གཡས་གཡོན་དང་པོ
383a4 པདྨ་བྷན་དམར་བསྐྱིལ།། གཡས་གཡོན་པར་མ་སྟོང་གི་འཇིག་རྟེན་བསྣམས།། ཐ་མ་གཉིས་ན་དགྲ་སྟ་གཤོལ་ཡང་འཛིན།། ཡུམ་ཆེན་བི་ཤྭ་ཀྲོ་དྷི་ཤྭ་རཱི་ནི།། གཡས་པ་པདྨ་གཡོན་པ་དུང་ཁྲག་སྟོབ།། བཅོམ་ལྡན
383a5 དཔལ་ཆེན་ཡཀྐ་ཧེ་རུ་ཀ། དབུ་གསུམ་ལྡང་ནག་དཀར་དང་དམར་བའི་ཞལ།། གཡས་གཡོན་དང་པོ་རྒྱ་གྲམ་བྷན་དམར་དཀྲུག། བར་པ་གཉིས་ན་རལ་གྲི་ཞགས་པ་འཛིན།། ཐ་མ་གཉིས་ན་དགྲ་སྟ་ཐོང་གཤོལ
383a6 འཛིན།། ཞབས་བཞི་ཐབས་དང་ཤེས་རབ་བརྐྱངས་བསྐུམས་བགྲད།། ཡག་ཤྭ་ཀྲོ་དྷི་ཤྭ་རཱི་སྐུ་ལ་འཁྲིལ།། གཡས་པ་རྒྱ་གྲམ་གཡོན་པ་དུང་ཁྲག་ལྟོ་བ།། དྲི་ཟ་འདུལ་བྱེད་ཁྲོ་བོ་དཀར་པོ་ལ།། ཞལ་གཅིག་ཕྱག་གཉིས
iiif viewer powered by OpenSeadragon
