| e-texts navigator |
| Wylie |
382b1 ཀྱི་ཟ་མ་ན།། མི་ཡི་ཐུབ་པ་ཤཱཀྱ་གསེག་ཤང་བསྣམས།། བཞི་བཅུ་རྩ་གཉིས་གཡོན་གྱི་ཐ་མ་ན།། དམྱལ་བའི་ཐུབ་པ་མེ་ཆུ་བསིལ་དྲོད་བསྣམས།། ཞབས་བརྒྱད་བྱོལ་སོང་གཙོ་བོ་བརྒྱད་ཀྱང་བརྫིས།། སྟག་གཟིག
382b2 སེང་གེ་དོམ་རྣམས་ནི།། གཡས་ཀྱི་ཞབས་བཞིའི་འོག་ཏུ་མནན།། གླང་ཆེན་མ་ཧེ་ཆུ་སྲིན་སྦྲུལ།། གཡོན་གྱི་ཞབས་བཞིའི་འོག་ཏུ་མནན།། ལྷ་བརྒྱད་གཡས་ཀྱི་ཞབས་ཀྱིས་མནན།། ཀླུ་བརྒྱད་གཡོན་གྱི་ཞབས་འོག
382b3 མནན།། ཉི་ཟླ་པདྨའི་སྟེང་ན་བགྲད།། ཡུམ་ཆེན་གནམ་ཞལ་དབྱིངས་ཕྱུག་མ།། སྐུ་མདོག་དུད་ཀ་ཅིར་ཡང་སྟོན།། དབུ་དགུ་རོལ་པའི་ཡེ་ཤེས་དགུ།། སྟོང་པ་བཅོ་བརྒྱད་ཕྱག་ཏུ་གདེངས།། གཡས་ཀྱི་དང་པོ་རྡོ་རྗེ
382b4 བསྣམས།། གཡོན་གྱི་དང་པོ་བྷན་དམར་དཀྲུག། གཡས་བརྒྱད་གོ་རཱི་བུམ་ཐོགས་བརྒྱད།། གཡོན་བརྒྱད་སེདྷ་ཁྲག་ཐོགས་བརྒྱད།། ཞབས་བཞི་བརྐྱངས་བསྐུམས་ཡབ་དང་མཐུན།། ཡབ་ཡུམ་རྒྱན་ནི་དུར་ཁྲོད
382b5 ཆས།། རྒྱ་བྱིའུ་ལྕགས་ཆས་འདུལ་བྱེད་བསེ་ཁྲབ་ཆས། གཅན་གཟན་གཟིག་ཆས་སྤྲུལ་པ་རྡོ་རྗེའི་ཆས། རིན་ཆེན་སྦྲུལ་ཆས་དཔའ་བོ་སྟག་གི་ཆས།། གཟི་མདངས་མི་ལྤགས་ཆས་དང་དམར་གསལ་ཁྲག་གི་ཆས།
382b6 རྩལ་ཆེན་སེང་གེའི་ཆས་དང་གདུག་པ་དོམ་གྱི་ཆས། འཇིགས་པའི་རྒྱན་ཆས་རབ་ཏུ་བརྒྱན་པའོ།། བཅོམ་ལྡན་དཔལ་ཆེན་རཀྑ་ཧེ་རུ་ཀ། དབུ་གསུམ་སྨུག་ནག་དཀར་དང་དམར་བའི་ཞལ།། གཡས་གཡོན་དང་པོ
iiif viewer powered by OpenSeadragon
