| e-texts navigator |
| Wylie |
380b1 དཔལ་ཧེ་རུ་ཀ། བདེ་གཤེགས་བསྒྲུབ་པ་བཀའ་བརྒྱད་ཀྱི།། ལྷ་ཚོགས་ཞི་ཁྲོ་ཐམས་ཅད་ཀྱི།། སྐུ་མདོག་ཕྱག་མཚན་བསྟན་དུ་གསོལ།། དེ་སྐད་གསོལ་པ་གསན་ནས་ཀྱང་།། སྤྱི་དཔལ་ཆེན་པོས་བཀའ་སྩལ
380b2 པ།། ཉོན་ཅིག་འདུས་པའི་ཚོགས་ཆེན་རྣམས།། ཆེ་མཆོག་ཡོན་ཏན་འདུས་པའི་ལྷ་ཚོགས་ལ།། གཙོ་བོ་དཔལ་ཆེན་ཆེ་མཆོག་ཧེ་རུ་ཀ། འཇིགས་པའི་དབུ་ནི་ཉི་ཤུ་རྩ་གཅིག་ལ།། སྤྲུལ་པའི་ཕྱག་ནི་བཞི་བཅུ་རྩ་གཉིས
380b3 ཏེ། ཞབས་ཀྱང་དོར་ཐབས་རྣམ་པ་བརྒྱད་དུ་བགྲད།། སྐུ་ནི་སྤུག་ནག་འབར་བ་ཤིན་ཏུ་བརྗིད། རྩ་བའི་ཞལ་ནི་སྐུ་ཡི་མདོག་དང་མཚུངས།། དབུས་ཀྱི་དབུ་དྲུག་མཐིང་ལ་རྔམས། གཡས་ཀྱི་རྩ་ཞལ་དཀར་ལ
380b4 འཚེར།། གཡོན་གྱི་རྩ་ཞལ་དམར་ལ་གདངས།། གཡས་ཀྱི་གཉིས་པ་སྔོ་ལ་གཙིགས།། གཡོན་གྱི་གཉིས་པ་ལྗང་ལ་རྔམས།། གཡས་ཀྱི་གསུམ་པ་དཀར་ལ་གདངས།། གཡོན་གྱི་གསུམ་པ་དམར་ལ་འདྲིལ།། གཡས
380b5 ཀྱི་བཞི་པ་ནག་ལ་གཙིགས།། གཡོན་གྱི་བཞི་པ་ལྡང་ལ་འཚེར།། གཡས་ཀྱི་ལྔ་པ་དཀར་ལ་བཞད། གཡོན་གྱི་ལྔ་པ་དམར་ལ་གཤེ།། གཡས་ཀྱི་དྲུག་པ་སྔོ་ལ་གཙིགས། གཡོན་གྱི་དྲུག་པ་ལྡང་ལ་འདྲིལ།། གཡས་ཀྱི
380b6 བདུན་པ་ཟུར་མིག་གཟིགས། གཡོན་གྱི་བདུན་པ་ཐུར་མིག་གཟིགས།། ཕྱག་ནི་བཞི་བཅུ་རྩ་གཉིས་ན།། ཞི་བ་བཞི་བཅུ་རྩ་གཉིས་བསྣམས།། གཡས་ཀྱི་ཕྱག་ན་ཡབ་རྣམས་བསྣམས། གཡོན་གྱི་ཕྱག་ན་ཡུམ་རྣམས
iiif viewer powered by OpenSeadragon
