| e-texts navigator |
| Wylie |
372b1 ནས།། སྔགས་ཀྱི་འོད་ཟེར་སྤྲོ་བསྡུ་བྱ།། ཤར་དུ་སྤྲོ་བསྡུ་བྱེད་པའི་ཚེ།། ཡང་དག་ལྷ་ཚོགས་ཐུགས་ཀ་ནས།། སྔགས་ཀྱི་འོད་ཟེར་སྤྲོ་བསྡུ་བྱ།། ལྷོ་རུ་སྤྲོ་བསྡུ་བྱེད་པའི་ཚེ།། གཤིན་རྗེའི་ལྷ་ཚོགས་ཐུགས་ཀ
372b2 ནས།། སྔགས་ཀྱི་འོད་ཟེར་སྤྲོ་བསྡུ་བྱ།། ནུབ་ཏུ་སྤྲོ་བསྡུ་བྱེད་པའི་ཚེ།། དབང་ཆེན་ལྷ་ཚོགས་ཐུགས་ཀར་བྱ།། བྱང་དུ་སྤྲོ་བསྡུ་བྱེད་པའི་ཚེ།། ཕུར་པའི་ལྷ་ཚོགས་ཐུགས་ཀར་བྱ།། ཤར་ལྷོར་སྤྲོ་བསྡུ་བྱེད་པའི་ཚེ།། མ
372b3 མོའི་ལྷ་ཚོགས་ཐུགས་ཀར་བྱ།། ལྷོ་ནུབ་སྒྲོ་བསྡུ་བྱེད་པའི་ཚེ།། རིག་འཛིན་ལྷ་ཚོགས་ཐུགས་ཀར་བྱ།། ནུབ་བྱང་སྤྲོ་བསྡུ་བྱེད་པའི་ཚེ།། དྲེགས་འདུལ་ལྷ་ཚོགས་ཐུགས་ཀར་བྱ།། བྱང་ཤར་སྤྲོ་བསྡུ་བྱེད་པའི
372b4 ཚེ།། སྟོབས་ལྡན་ནག་པོ་ཡབ་ཡུམ་གྱི།། ཐུགས་ཀར་སྔགས་ཀྱི་སྤྲོ་བསྡུ་བྱ།། བསྙེན་བསྒྲུབ་ལོ་ཟླ་ཞག་སོགས་བསྒྲུབ།། རྟགས་དང་མཚན་མ་བྱུང་བ་དང་།། དངོས་གྲུབ་རིམ་གྱིས་བླང་བར་བྱ།། དུས་བཞིར་ཚོགས
372b5 དང་གཏོར་མ་གཏོང་།། ལྷག་མ་གཏོང་ཞིང་བརྟན་མ་བསྐྱོང་།། དཀྱིལ་འཁོར་བསྡུ་ཞིང་སྨོན་ལམ་གདབ།། ཕྲིན་ལས་ལས་ཀྱི་ཁ་ཚར་རྣམས།། གང་འདོད་བྱ་བ་བསྒྲུབ་པར་གསུངས།། ཞེས་གསུངས་སོ།། རང་བཞིན
372b6 གྱི་དཀྱིལ་འཁོར་སྒྲུབ་པའི་ལེའུ་སྟེ་ཉི་ཤུ་རྩ་བཞི་པའོ།། ཁྲོ་བོའི་དཀྱིལ་འཁོར་གསུམ་གྱི་སྐབས་ཏེ་བཞི་པའོ།། །། དེ་ནས་སྤྱི་དཔལ་ཀུན་བཟང་ཧེ་རུ་ཀ་ལ། འཁོར་གྱི་རིག་འཛིན་རྣམས་ཀྱིས་ཞུས་པ། ཨེ་མ
iiif viewer powered by OpenSeadragon
