| e-texts navigator |
| Wylie |
371a1 མའོ།། དཀྱིལ་འཁོར་བར་ཁྱམས་ཕྱོགས་མཚམས་སུ།། ཤར་དུ་མ་ཧཱ་དེ་བ་ལ།། ལྷོ་རུ་ཐར་པ་ནག་པོའོ།། ནུབ་ཏུ་རྨུ་རྗེ་བཙན་པོ་ལ།། བྱང་དུ་ཀཱ་ལ་ནག་པོའོ།། སྟེང་དུ་གཟའ་བདུད་ནག་པོ་རཱ་ཏུ
371a2 ལ།། འོག་ཏུ་ཀླུ་རྒྱལ་སོག་མ་མེད།། དཀྱིལ་འཁོར་སྒོ་བཞིར་བཀའ་ཉན་བཞི།། ཤར་སྒོར་ལི་བྱིན་ཧར་ལེགས་ལ།། ལྷོ་སྒོར་ཁུ་ལེ་ལག་དགུའོ།། ནུབ་སྒོར་རྡོ་རྗེ་ལེགས་པ་ལ།། བྱང་དུ་ཡམ་ཤུད་དམར་པོའོ།། ལྷོ་ནུབ
371a3 མཚམས་ཀྱི་དཀྱིལ་འཁོར་དུ།། རིག་འཛིན་དཀྱིལ་འཁོར་བསྒོམ་པ་ནི།། དབུས་སུ་ཆེ་མཆོག་རིག་འཛིན་ལ།། ཤར་དུ་ཡང་དག་རིག་འཛིན་ནོ།། ལྷོ་རུ་འཇམ་དཔལ་རིག་འཛིན་ལ།། ནུབ་ཏུ་པདྨ་རིག་འཛིན
371a4 ལ།། བྱང་དུ་ཕུར་པའི་རིག་འཛིན་ནོ།། དཀྱིལ་འཁོར་བར་ཁྱམས་ཕྱོགས་བཞི་རུ།། ཤར་དུ་ལྷུན་གྲུབ་རིག་འཛིན་ལ།། ལྷོ་རུ་ཕྱག་རྒྱའི་རིག་འཛིན་ནོ།། ནུབ་ཏུ་ཚེ་ཡི་རིག་འཛིན་ལ།། བྱང་དུ་རིགས་ཀྱི་རིག་འཛིན
371a5 ནོ།། སྒོ་བཞིར་རྡོ་རྗེ་སློབ་དཔོན་བཞི།། ཤར་དུ་དམ་ཚིག་དབང་གི་སློབ་དཔོན་ལ།། ལྷོ་རུ་མན་ངག་ལུང་གི་སློབ་དཔོན་ལ།། ནུབ་ཏུ་ཤེས་རབ་རྒྱུད་ཀྱི་སློབ་དཔོན་ཏེ།། བྱང་དུ་ཉམས་ཆག་སྐོང་བའི་སློབ་དཔོན
371a6 ནོ།། ཕྱི་ཡི་ལྕགས་རི་ནག་པོ་ལ།། དཔའ་བོ་དཔའ་མོ་མཁའ་འགྲོ་རྣམས།། བཀའ་སྲུང་དག་ཏུ་འཁོད་པའོ།། དཀྱིལ་འཁོར་ཕྱི་ཡི་བར་ཁྱམས་ལ།། དབང་ཕྱུག་ཉི་ཤུ་རྩ་བརྒྱད་དགོད།། ཤར་དུ་མི་སྲིང་ཚངས་མ
iiif viewer powered by OpenSeadragon
