| e-texts navigator |
| Wylie |
367b1 པྲ་མོ་སྲི་ལ་གཉིས།། བྱང་དུ་བི་ཏཱ་ཤྭ་ན་གཉིས།། ཤར་ལྷོར་པུཀྐ་གྲྀ་ཌྷ་གཉིས།། ལྷོ་ནུབ་གྷསྨ་ཀངྐ་གཉིས།། ནུབ་བྱང་སྨ་ཤ་ཀཱ་ཀ་གཉིས།། བྱང་ཤར་ཙཎྜ་ཨུ་ལྷ་གཉིས།། དཀྱིལ་འཁོར་སྒོ་བཞིར་གདོང་མོ་བཞི།། ཤར
367b2 དུ་རྟ་གདོང་ལྕགས་ཀྱུ་མ།། ལྷོ་སྒོར་ཕག་གདོང་ཞགས་པ་མ།། ནུབ་ཏུ་སྦྲུལ་གདོང་ལྕགས་སྒྲོག་མ།། བྱང་དུ་སྦྱང་གདོང་ཐལ་བྱེད་མ།། ཕྱི་རིམ་ལྕགས་རི་ནག་པོ་ལ།། བཀའ་སྲུང་སྲིན་མོ་ཉི་ཤུ་བརྒྱད།། གཙོ་འཁོར
367b3 བཀའ་སྲུང་བཅས་པར་བསྒོམ།། ལྷོ་ཕྱོགས་དཀྱིལ་འཁོར་ཆེན་པོ་རུ།། གཙོ་བོ་འཇམ་དཔལ་གཤིན་རྗེ་གཤེད།། སྦྱོར་ཡུམ་ཟ་བྱེད་བེ་ཏཱ་ལཱི།། སྒྲོལ་ཡུམ་ཨེ་ཀ་ཙ་ཏཱི་མ།། ཡབ་ཡུམ་གཉིས་མེད་བྱིན་རླབས
367b4 ལས།། འཁོར་ལོའི་རྩིབས་ལ་གཤེད་ཆེན་བཞི།། ཤར་དུ་ཡ་མ་རཱ་ཛ་དང་།། སྦྱོར་ཡུམ་གཡུ་ཡི་རལ་གཅིག་མ།། སྒྲོལ་ཡུམ་ནམ་གྲུ་རེ་མ་ཏི།། ལྷོ་རུ་མྱོས་བྱེད་འབར་བ་དང་།། སྦྱོར་ཡུམ་གཏུམ་མོ་སེར་ནག་མ།། སྒྲོལ
367b5 ཡུམ་ཁྲག་གི་མངའ་བདག་མོ།། ནུབ་ཏུ་གཤེད་ཆེན་མ་རུ་ཙེ།། སྦྱོར་ཡུམ་ལྷ་མོ་འོད་ཟེར་མ།། སྒྲོལ་ཡུམ་གླིང་བཞི་ཀུན་འབྱམས་མ།། བྱང་དུ་རལ་པ་ཚར་དགུ་མ།། སྦྱོར་ཡུམ་ནག་མོ་རེ་མ་ཏི།། སྒྲོལ་ཡུམ་སྲིན་མོ་མགོ
367b6 འཕྱངས་མ།། དཀྱིལ་འཁོར་བར་ཁྱམས་ཕྱོགས་མཚམས་སུ།། ཤར་དུ་ཀོང་རྩེ་བྲག་འཇོམས་དང་།། ཡུམ་དུ་རྡོ་རྗེ་རལ་གཅིག་མ།། ལྷོ་རུ་གཤིན་རྗེ་ཡ་བ་ཏི།། ཡུམ་དུ་དྲེད་ཀྱི་ཨབ་ཤམ་མོ།། ནུབ་ཏུ་གཤིན་རྗེ་རྨིག་པ
iiif viewer powered by OpenSeadragon
