| e-texts navigator |
| Wylie |
366b1 པའི་ཆས་བརྒྱད་གསོལ།། རྔོམ་བརྗིད་ཆེན་པོའི་སྐུ་རུ་བསྒོམ།། གཡོན་ཕྱོགས་མཱཾ་གྱི་འཕྲོས་འདུས་ལས།། ཁྲོ་མོ་གནམ་ཞལ་དབྱིངས་ཕྱུག་མ།། དབུ་དགུ་ཕྱག་ཀྱང་བཅོ་བརྒྱད་དེ།། ཁམས་ཆེན་བཅོ་བརྒྱད་རྩད་བཅད
366b2 ནས།། སྟོང་པ་བཅོ་བརྒྱད་དབྱིངས་ལ་སྦྱོར།། གཡས་པ་ཐབས་མཆོག་གཙོ་ལ་འཁྱུད།། གཡོན་པ་དུང་དམར་གཙོ་ལ་སྟོབ།། ཡབ་ཡུམ་གཉིས་མེད་སྦྱོར་བྱས་ཏེ།། ཡབ་ཀྱི་གསང་བའི་རྡོ་རྗེ་ལ།། ཨོཾ་ལས་རྩེ་ལྔ་ཕཊ
366b3 ཀྱིས་མཚན།། ཡུམ་གྱི་གསང་བའི་པདྨ་ལ།། པཾ་ལས་འདབ་བཞི་ཨཱཾ་གིས་མཚན།། གཉིས་མེད་རོལ་པའི་བརྡས་བསྐུལ་ཏེ།། ཕྱག་རྒྱ་བཞི་ཡི་སྦྱོར་བ་བྱ།། བྱང་ཆུབ་སེམས་ཀྱི་སྤྲིན་སྤྲོས་པས།། མཁའ་ལས་ཁྲོ་བོ
366b4 འཆོལ་པ་སྤྲོས། ཧཱུཾ་ཧཱུཾ་ཧཱུཾ་ཧཱུཾ། བི་ཤྭ་ཀྲོ་དྷ་ཛ་ལ་མཎྜ་ལ་ཧ་ལ་ཧ་ལ་ཕཊ་ཕཊ། འཇིག་རྟེན་དྲུག་གི་ཕྱོགས་མཚམས་ནས།། བདུད་དང་དྲེགས་པ་རཱ་ཏྲ་རྣམས།། ཐུགས་རྗེ་ཚད་མེད་ཀྱིས་བསྒྲལ་ནས།། མ་སྲིང་ཆུང་མ
366b5 མཛའ་མོ་རྣམས།། བྲན་དུ་བསྡུས་ནས་བཀའ་ཉན་གྱུར།། འཁོར་བཅས་མ་ལུས་དབང་དུ་བསྡུས།། དེ་ནས་ཁྲོ་བོའི་སྤྲིན་བསྡུས་ནས།། ཕྱོགས་བཞི་མཚམས་བཞིར་འདུས་པ་ལས།། སོ་སོའི་རིགས་ཀྱི་གཙོ་བོར
366b6 གསལ།། བཙུན་མོ་ཁྲག་འཐུང་ཡུམ་རྣམས་ཀྱང་།། སོ་སོའི་སྐུ་ལ་འཁྲིལ་བར་བསྒོམ།། དེ་ནས་དབུས་ཀྱི་གཙོ་བོ་ནི།། ཆེ་མཆོག་ཡབ་ཡུམ་ཐུགས་ཀ་ནས།། ཡི་གེ་ཧཱུཾ་གི་འཕྲོ་འདུ་ལས།། ཤར་དུ་རཀྵ་ཧེ་རུ་ཀ། རཀྵ་ཀྲོ
iiif viewer powered by OpenSeadragon
