| e-texts navigator |
| Wylie |
366a1 ནས་མ་སྐྱེས་སྟོང་པར་བསྒོམ།། ཀུན་ཏུ་སྣང་བའི་ཏིང་ངེ་འཛིན།། ཁྱབ་པའི་སྙིང་རྗེ་སེམས་ཅན་དོན།། ཡོངས་ལ་ཁྱབ་པར་བསྒོམ་པར་བྱ།། དེ་ནས་རྒྱུ་ཡི་ཏིང་ངེ་འཛིན།། ཡེ་ཤེས་སེམས་དཔའ་ཚོན
366a2 གང་བ།། ཐུགས་ཀར་ཧཱུཾ་དང་ལྡན་པར་བསྒོམ།། དེ་ལས་རཾ་ཡཾ་ཁཾ་གསུམ་གྱིས།། དངོས་དང་མཚན་མ་བསྲེག་གཏོར་བཀྲུས།། མཐིང་ནག་ཨེ་ཡི་ནམ་མཁའ་ལ།། རྒྱ་གྲམ་རླུང་གི་འཁོར་ལོ་ཆགས།། རཀྟ་ཁྲག་གི་རྒྱ
366a3 མཚོར་འཁྱིལ།། ཞིང་ཆེན་འབར་བའི་ས་གཞིར་ཆགས།། འབྱུང་བ་དྲོད་སྙོམས་མེ་དཔུང་འབར།། ཀེང་རུས་ཆེན་པོའི་རི་རབ་བརྩིག། སྨུག་ནག་བྷཾ་གྱི་འཕྲོ་འདུ་ལས།། དུར་ཁྲོད་ཆེན་པོའི་གཞལ་ཡས་ཁང་།། ཕོ་བྲང
366a4 དཀྱིལ་འཁོར་དགུ་པ་ལ།། ཀུན་ཀྱང་འཁོར་ལོ་རྩིབས་བཞིར་མཛེས།། གྲུ་ཆད་ཁྱམས་དང་སྒོ་བཞིར་ལྡན།། ཕྱི་ཁྱམས་སྒོ་དང་སྒོ་ཁྱུད་དང་།། མུ་ཁྱུད་རྡོ་རྗེ་འབར་ཕྲེང་དང་།། དུར་ཁྲོད་རྒྱན་དང་ཆས་ཀྱིས་བརྒྱན།། ཕྱི
366a5 ནང་མེད་པར་གསལ་བ་ཡི།། ཡེ་ཤེས་ལྷུན་གྲུབ་གཞལ་ཡས་བསྒོམ།། དེ་དབུས་བྱོལ་སོང་གཙོ་བརྒྱད་ཁྲིར།། ཡེ་ཤེས་སེམས་དཔའ་བབས་པ་ལས།། སྤྲོ་བསྡུའི་ཆོ་ག་གསུམ་སྦྱོར་བས།། ཆེ་མཆོག་ཧེ་རུའི་སྐུར་གསལ
366a6 བསྐྱེད།། སྐུ་མདོག་སྨུག་ནག་འབར་བ་ལ།། དབུ་ནི་ཉི་ཤུ་རྩ་གཅིག་ལ།། ཕྱག་ནི་བཞི་བཅུ་རྩ་གཉིས་གདེངས།། ཕྱག་ན་བུདྡྷ་བཞི་བཅུ་གཉིས།། ཞབས་བརྒྱད་བགྲད་པས་གདན་བརྒྱད་གནོན།། དུར་ཁྲོད་འཇིགས
iiif viewer powered by OpenSeadragon
