| e-texts navigator |
| Wylie |
364b1 གསུང་གི་སྤྲུལ་པ་པདྨ་དབང་གི་རྒྱལ་པོ་དང་། བྱང་དུ་ཕྲིན་ལས་ཀྱི་སྤྲུལ་པ་རྡོ་རྗེ་གཞོན་ནུ་དང་། ཤར་ལྷོར་ཡོན་ཏན་གྱི་སྤྲུལ་པ་བླ་མེད་ཧེ་རུ་ཀ་དང་། ནུབ་བྱང་དུ་འཇིགས་པའི་སྟོབས་ལས་སྤྲུལ་པ་དྲེགས་པ་ཀུན
364b2 འདུལ་དང་། བྱང་ཤར་དུ་བརྗིད་པའི་སྟོབས་ཀྱི་སྤྲུལ་པ་སྟོབས་ལྡན་ནག་པོ་དང་། ལྷོ་ནུབ་ཏུ་རིག་འཛིན་རྡོ་རྗེའི་ཚོགས་བསམ་གྱིས་མི་ཁྱབ་པ་རྣམས་ཀྱང་དུས་གཅིག་ཏུ་ལྷགས་སོ།། དེ་དག་ཐམས་ཅད་ཀྱང་སོ་སོའི
364b3 བཙུན་མོའི་འཁོར་དུ་བཅས་པས་འཁོད་དེ།། རང་གི་འཁོར་རྣམས་དང་ལྷན་ཅིག་ཏུ་གནས་སོ།། དེ་ལྟར་ཁྲོ་བོའི་དཀྱིལ་འཁོར་བསམ་གྱིས་མི་ཁྱབ་པར་སྤྲུལ་ཏོ།། ཁྲོ་བོ་མངོན་བྱུང་གི་ལེའུ་སྟེ་ཉི་ཤུ་རྩ་གཅིག
364b4 པའོ།། །། དེ་ནས་ཁྲོ་བོའི་འཁོར་ཚོགས་རྣམས་ཀྱིས། དཔལ་ཆེན་པོ་ལ་ཕྱག་དང་བསྐོར་བ་བྱས་ཏེ་ཞུས་པ། ཨེ་མ་སྤྱི་དཔལ་ཧེ་རུ་ཀ། ཁྲོ་ཚོགས་ཀུན་གྱི་རྗེ་བཙན་པོ།། ཤིན་ཏུ་ཁྲོ་ཞིང་གཏུམ་པ
364b5 ཡི།། གདུག་བྱེད་ལོག་ལྷའི་རུ་ཏྲ་རྣམས།། ཞི་བས་ཕན་པར་མི་འགྱུར་ཏེ། སངས་རྒྱས་ཐུགས་རྗེ་ཁྲོས་པ་ཡིས།། འཁོར་བའི་གནས་ནས་ཇི་ལྟར་འདུལ།། དེ་སྐད་གསོལ་པ་གསན་ནས་ཀྱང་།། སྤྱི་དཔལ་ཆེན་པོས
364b6 བཀའ་སྩལ་པ།། ཉོན་ཅིག་འདུས་པའི་ཚོགས་ཆེན་རྣམས།། དྲེགས་པས་ཁེངས་པའི་རུ་དྲ་རྣམས།། ཞི་བས་ཐུལ་བར་མ་གྱུར་པས།། སངས་རྒྱས་ཐུགས་རྗེ་ཁྲོས་པ་ནི།། ཐམས་ཅད་འཇིགས་པའི་མཆོག་ཡིན།
iiif viewer powered by OpenSeadragon
