| e-texts navigator |
| Wylie |
362b1 ལྤགས་གསོལ།། མིང་ནི་བཛྲ་ཧེ་རུ་ཀ། རྡོ་རྗེ་ཁྲོ་བོ་ཞེས་ཀྱང་བྱ།། རྡོ་རྗེ་དགྱེས་པ་ཞེས་ཀྱང་བྱ།། ཁྲོ་རྔམས་གཤེ་གཏུམ་འབར་བའི་གཟུགས།། བསྐལ་པའི་མེ་དཔུང་ཀློང་ན་བཞུགས།། དུས་མཐའི་མེ་ལྟར་བཟོད་པར
362b2 དཀའ།། འོད་ཟེར་ཉི་མ་འབུམ་གྱི་གཟི།། ཁྲོ་གཉེར་གློག་སྟོང་འགྱུ་བ་བརྗིད།། ཐུག་ཆོམས་རི་རབ་འབུམ་སྙིལ་སྐད།། སྐྱུགས་པའི་འཐོར་རླུང་གཡེང་བ་ཆེ།། དེ་ལྟ་བུ་ཡི་ཁྲོ་བོ་ལ།། སྐུ་གསུང་ཐུགས་ཀྱི་ཡི་གེ
362b3 དགོད།། ཞེ་སྡང་ཅན་གྱི་འཇུག་སྒོ་སྟེ།། ཁྲོ་ཚུལ་ཅན་གྱི་སྐུ་རུ་བསྒོམ།། སངས་རྒྱས་ཐམས་ཅད་རིགས་བརྒྱར་འདུས།། རིགས་བརྒྱ་བསྡུས་པས་རིགས་ལྔར་འདུས།། རིགས་ལྔ་རྡོ་རྗེའི་རིགས་སུ་འདུས།། རྒྱལ་བ
362b4 རིགས་ལྔ་ལ་སོགས་པ།། ཐབས་ཀྱི་ཕྱག་རྒྱ་མ་ལུས་ཀུན།། ཆོས་སྐུ་རྡོ་རྗེར་རོ་གཅིག་པས།། ཇི་ལྟར་སྣང་བ་དེ་ལྟར་ཡིན།། དེ་ལྟར་རྒྱལ་བ་གཅིག་བསྒོམས་པས།། གཅིག་ཉིད་མེད་ལ་ཀུན་གྱི་ངང་།། རྣལ་འབྱོར་རིག
362b5 པ་འདི་ལྡན་ན།། བདེ་གཤེགས་མ་བསྒོམས་གང་ཡང་མེད།། ཅེས་གསུངས་སོ།། གསང་ཆེན་རིགས་གཅིག་བསྒྲུབ་པའི་ལེའུ་སྟེ་བཅོ་བརྒྱད་པའོ།། །། དེ་ནས་ཡང་དག་ངེས་གསུངས་པ།། སྐུ་གསུང་ཐུགས་ཀྱི
362b6 སྒྲུབ་ཐབས་འདི།། ཁྱད་པར་མི་མཐུན་བྱེ་བྲག་རྣམས།། རང་བཞིན་གཅིག་ལ་གསུམ་ཚང་བ།། རྡོ་རྗེ་སེམས་དཔའ་ཉིད་དུ་འདུས།། སྐྱེ་མེད་ཤེས་རབ་དབྱིངས་ཀྱི་ངང་།། མི་འགྱུར་མི་ཤིགས་རྡོ་རྗེའི་དོན།། འགྲོ་དོན
iiif viewer powered by OpenSeadragon
