| e-texts navigator |
| Wylie |
362a1 འཛིན།། རང་སེམས་ཧཱུཾ་དུ་གསལ་བར་བསྒོམ།། དེ་ལས་འོད་འཕྲོས་བདེ་གཤེགས་མཆོད།། སྐུ་གསུང་ཐུགས་ལ་མཆོད་པ་ཕུལ།། ཁམས་གསུམ་སེམས་ཅན་རྟོག་སྒྲིབ་སྦྱངས།། ཚུར་འདུས་འོད་དུ་ཞུ
362a2 བ་ལས།། དངུལ་དཀར་རྡོ་རྗེ་རྩེ་དགུར་གྱུར།། དེ་ལ་འོད་འཕྲོས་ཞུ་བ་ལས།། བདག་ཉིད་རྡོ་རྗེ་སེམས་དཔར་གྱུར།། སྐུ་མདོག་དངུལ་དཀར་ལྟ་བུ་ལ།། ཞལ་གཅིག་པ་ལ་ཕྱག་གཉིས་པ།། གཡས་པ་རྡོ་རྗེ་ཐུགས་ཀར
362a3 འཛིན།། གཡོན་པ་དྲིལ་བུ་དཀུ་ལ་བརྟེན།། གླང་ཆེན་བསྣོལ་བའི་ཁྲི་སྟེང་ན།། ཉི་ཟླ་པདྨའི་གདན་སྟེང་ན།། རྒྱན་རྣམས་ཀུན་གྱིས་བརྒྱན་པར་བསྒོམ།། མཉེན་ལྕུག་འཁྲིལ་ལྡེམ་གཞོན་ཚུལ་ཆེ།། གསལ་འཚེར་ལྷུན
362a4 སྡུག་གཟི་བརྗིད་འབར།། དེ་ལྟ་བུ་ཡི་སྐུར་བསྒོམས་ཏེ།། སྤྱི་བོར་འཁོར་ལོའི་རྩིབས་སྟེང་དུ།། ཨོཾ་དཀར་ཤེལ་ལྟར་འཚེར་བ་བསྒོམ།། མགྲིན་པར་པདྨ་འདབ་བཞིའི་སྟེང་།། ཨཱཿདམར་དམར་ལ་དྲངས
362a5 པར་བསྒོམ།། སྙིང་གར་རྡོ་རྗེ་རྒྱ་གྲམ་སྟེང་།། མཐིང་ནག་ཧཱུཾ་གཅིག་བསམ་པར་བྱ།། དེ་ལྟ་བུ་ཡི་སྒྲ་དེ་ནི།། འདོད་ཆགས་ཅན་གྱི་འཇུག་སྒོ་སྟེ།། ཞི་བའི་སྒོ་ནས་འཇུག་པའོ།། ཁྲོ་བོའི་སྒོ་ནས་འཇུག་པ་ནི།། སྐུ་མདོག
362a6 མཐིང་ནག་འབར་བ་ལ།། ཞལ་གཅིག་ཕྱག་གཉིས་ཞབས་གཉིས་བགྲད།། གཡས་པ་རྡོ་རྗེ་ཐུགས་ཀར་འཛིན།། གཡོན་པ་དྲིལ་བུ་དཀུ་ལ་བརྟེན།། སྟག་གི་ཤམ་ཐབས་སྦྲུལ་གྱིས་བརྒྱན།། གླང་ཆེན་ཀོ་རློན་ཞིང
iiif viewer powered by OpenSeadragon
