| e-texts navigator |
| Wylie |
361b1 པའི་ལམ།། ང་རྒྱལ་མ་བཀག་མ་ནོར་རང་གི་ལམ།། འདོད་ཆགས་མ་བཀག་ཆོས་ཀྱི་དབྱིངས་ཀྱི་ལམ།། ཕྲག་དོག་མ་སྤངས་གཉིས་སུ་མེད་པའི་ངང་།། ཉོན་མོངས་དུག་ལྔ་ཡེ་ཤེས་ལྔ་ཡི་ལམ།། དེ་ཡང་སྟོང་པ་བདེ
361b2 བ་ཆེན་པོ་ལྔ།། འབྲས་བུ་སྐྱེ་མེད་ངང་དུ་མ་སྤངས་ལྷུན་གྱིས་གྲུབ།། དུག་ལྔ་རིན་ཆེན་དགོས་འདོད་འབྱུང་བ་ཡིན།། ཞེས་གསུངས་སོ།། རིགས་ལྔའི་གསང་བསྒྲུབ་ཀྱི་ལེའུ་སྟེ་བཅུ་བདུན་པའོ།། །། དེ་ཉིད
361b3 རིགས་ལྔ་བསྒྲུབ་པའི་སྐབས་ཏེ་གསུམ་པའོ།། དེ་ནས་སྤྱི་དཔལ་ཀུན་ཏུ་བཟང་པོ་ལ།། རིགས་ལྔའི་སངས་རྒྱས་ལ་སོགས་པས་ཞུས་པ།། ཨེ་མ་སྤྱི་དཔལ་ཀུན་ཏུ་བཟང་།། གསང་ཆེན་རིགས་གཅིག་ཇི་ལྟར
361b4 བསྒྲུབ།། དེ་སྐད་གསོལ་བ་གསན་ནས་ཀྱང་།། སྤྱི་དཔལ་ཆེན་པོས་བཀའ་སྩལ་པ།། ཉོན་ཅིག་འདུས་པའི་ཚོགས་ཆེན་རྣམས།། སྐུ་གསུང་ཐུགས་ཀྱི་སྒྲུབ་ཐབས་འདི།། ཁྱད་པར་མི་མཐུན་བྱེ་བྲག་རྣམས།། རང
361b5 བཞིན་གཅིག་ལ་གསུམ་ཚང་བ།། རྡོ་རྗེ་སེམས་དཔའ་ཉིད་དུ་འདུས།། རྡོ་རྗེ་སེམས་དཔའ་བསྒྲུབ་འདོད་ན།། དབེན་ཞིང་ཉམས་དགའི་གནས་དག་ཏུ།། མཎྜལ་བྱི་དོར་བྱས་ནས་ནི།། ཤེལ་ལྟར་གསལ་བའི་ཧཱུཾ་བྲིས
361b6 ལ།། དམིགས་པའི་རྟེན་དུ་གཞག་པར་བྱ།། དང་པོ་དེ་བཞིན་ཉིད་ཏིང་འཛིན།། ཅིར་ཡང་མི་རྟོག་མི་སེམས་བསྒོམ།། དེ་ནས་ཀུན་སྣང་ཏིང་ངེ་འཛིན།། ཡོངས་ལ་ཁྱབ་པའི་སྙིང་རྗེ་བསྒོམ།། དེ་ནས་རྒྱུ་ཡི་ཏིང་ངེ
iiif viewer powered by OpenSeadragon
