| e-texts navigator |
| Wylie |
360b1 མོའི་སྒོ་ནས་བསྒྲུབ།། ཉོན་མོངས་དུག་ལྔ་ལམ་དུ་སློང་།། གཏི་མུག་དེ་བཞིན་གཤེགས་པའི་རིགས།། ཆོས་ཀྱི་དབྱིངས་ཀྱི་ཡེ་ཤེས་ཡིན།། ཞེ་སྡང་རྡོ་རྗེའི་རིགས་ཡིན་ཏེ།། མེ་ལོང་ལྟ་བུའི་ཡེ་ཤེས་ཡིན།། ང་རྒྱལ་རིན
360b2 ཆེན་རིགས་ཡིན་ཏེ།། མཉམ་པ་ཉིད་ཀྱི་ཡེ་ཤེས་སོ།། འདོད་ཆགས་པདྨའི་རིགས་ཡིན་ཏེ།། སོ་སོར་ཏོག་པའི་ཡེ་ཤེས་སོ།། ཕྲག་དོག་ལས་ཀྱི་རིགས་ཡིན་ཏེ།། བྱ་བ་ནན་ཏན་ཡེ་ཤེས་སོ།། གཏི་མུག་ཕྲ་རགས་ཅི་སྐྱེས
360b3 ཀྱང་།། གཏི་མུག་མཚན་ཉིད་བཙལ་བར་བྱ།། གཏི་མུག་མཚན་ཉིད་མ་གྲུབ་པས།། གཏི་མུག་སྐྱེ་བའི་ཡུལ་བཙལ་བས།། ཡུལ་ཡང་མ་གྲུབ་སྟོང་པར་འདུག། དེ་ལྟར་རྟོགས་ཤིང་ཤེས་ཙམ་ན།། གཏི་མུག་མ་སྤངས་དེ
360b4 བཞིན་རིགས།། ཆོས་དབྱིངས་ཡེ་ཤེས་ཐོབ་པའོ།། ཞེ་སྡང་ཕྲ་རགས་ཅི་སྐྱེས་ཀྱང་།། ཞེ་སྡང་རང་བཞིན་བཙལ་བར་བྱ།། ཞེ་སྡང་རང་བཞིན་མ་གྲུབ་སྟེ།། ཞེ་སྡང་སྐྱེས་པའི་ཡུལ་བཙལ་བས།། ཡུལ་ཡང་མ་གྲུབ་སྟོང
360b5 པར་འདུག། དེ་ལྟར་རྟོགས་ཤིང་ཤེས་ཙམ་ན།། ཞེ་སྡང་མ་སྤངས་རྡོ་རྗེའི་རིགས།། མེ་ལོང་ཡེ་ཤེས་ཐོབ་པའོ།། ང་རྒྱལ་ཕྲ་རགས་ཅི་སྐྱེས་ཀྱང་།། ང་རྒྱལ་རང་བཞིན་བཙལ་བར་བྱ།། ང་རྒྱལ་རང་བཞིན་མ་གྲུབ
360b6 སྟེ།། ང་རྒྱལ་སྐྱེ་བའི་ཡུལ་བཙལ་བས།། ཡུལ་ཡང་མ་གྲུབ་སྟོང་པར་འདུག། དེ་ལྟར་རྟོགས་ཤིང་ཤེས་ཙམ་ན།། ང་རྒྱལ་མ་སྤངས་རིན་ཆེན་རིགས།། མཉམ་ཉིད་ཡེ་ཤེས་ཐོབ་པའོ།། འདོད་ཆགས་ཕྲ་རགས་སྐྱེས་ཙམ
iiif viewer powered by OpenSeadragon
