| e-texts navigator |
| Wylie |
359b1 བསྒོམ།། ཞེས་གསུངས་སོ།། དེ་ཉིད་རིགས་ལྔ་ཕྱི་ལྟར་སྒྲུབ་པའི་ལེའུ་སྟེ་བཅོ་ལྔ་པའོ།། །། དེ་ནས་ཡང་དག་ངེས་གསུངས་པ།། དེ་ཉིད་རིགས་ལྔའི་ནང་སྒྲུབ་ནི།། བདེ་གཤེགས་ཐམས་ཅད་རིགས་ལྔར
359b2 འདུས།། རིགས་ལྔ་བདག་ཉིད་ཕུང་པོ་ཡི།། ཁམས་དང་སྐྱེ་མཆེད་འབྱུང་ལྔ་ལས།། ལོགས་ནས་བཙལ་ཞིང་བསྒྲུབ་ཏུ་མེད།། རང་ཉིད་ཡེ་ནས་རིགས་ལྔ་ཡིན།། གཟུགས་ཀྱི་ཕུང་པོ་དེ་བཞིན་རིགས།། རྣམ་ཤེས་ཕུང
359b3 པོ་རྡོ་རྗེའི་རིགས།། ཚོར་བའི་ཕུང་པོ་རིན་ཆེན་རིགས།། འདུ་ཤེས་ཕུང་པོ་པདྨའི་རིགས།། འདུ་བྱེད་ཕུང་པོ་ལས་ཀྱི་རིགས།། ཤ་ནི་དེ་བཞིན་གཤེགས་པའི་རིགས།། རུས་པ་རྡོ་རྗེའི་རིགས་ཡིན་ཏེ།། དྲོད་ནི་རིན་པོ
359b4 ཆེ་ཡི་རིགས།། ཁྲག་ནི་པདྨ་རིགས་ཀྱི་ཡུམ།། དབུགས་ནི་ལས་ཀྱི་རིགས་ཀྱི་ཡུམ།། ཁ་དོག་དཀར་པོ་དེ་བཞིན་རིགས།། ཁ་དོག་སྔོན་པོ་རྡོ་རྗེའི་རིགས།། ཁ་དོག་སེར་པོ་རིན་ཆེན་རིགས།། ཁ་དོག་དམར་པོ་པདྨའི
359b5 རིགས།། ཁ་དོག་ལྗང་གུ་ལས་ཀྱི་རིགས།། ས་ནི་དེ་བཞིན་རིགས་ཀྱི་ཡུམ།། ནམ་མཁའ་རྡོ་རྗེ་རིགས་ཀྱི་ཡུམ།། མེ་ནི་རིན་ཆེན་རིགས་ཀྱི་ཡུམ།། ཆུ་ནི་པདྨ་རིགས་ཀྱི་ཡུམ།། རླུང་ནི་ལས་ཀྱི་རིགས་ཀྱི་ཡུམ།། ལུས་ནི
359b6 རྣམ་ཤེས་དེ་བཞིན་རིགས།། ཡིད་ཀྱི་རྣམ་ཤེས་རྡོ་རྗེའི་རིགས།། མིག་ནི་རྣམ་ཤེས་རིན་ཆེན་རིགས།། སྣ་ཡི་རྣམ་ཤེས་པདྨའི་རིགས།། རྣ་བའི་རྣམ་ཤེས་ལས་ཀྱི་རིགས།། ལུས་ཀྱི་དབང་པོ་དེ་བཞིན་རིགས་ཀྱི
iiif viewer powered by OpenSeadragon
