| e-texts navigator |
| Wylie |
358a1 བསྒྲིབས་པས་འཁོར་བར་འཁྱམས།། རིགས་ལྔའི་དངོས་གྲུབ་ཐོབ་བྱའི་ཕྱིར།། རྫོགས་པའི་བྱང་ཆུབ་སེམས་བསྐྱེད་དོ།། དེ་ནས་དེ་བཞིན་ཉིད་བསྒོམ་པ།། ཆོས་རྣམས་མི་དམིགས་གདོད་ནས
358a2 དག། སྟོང་ཞིང་བདག་མེད་བསྒོམ་པར་བྱ།། དེ་ནས་ཀུན་སྣང་ཏིང་ངེ་འཛིན།། གོང་གི་དོན་དེ་མ་རྟོགས་ལ།། ཁྱབ་པའི་སྙིང་རྗེ་ཆེན་པོ་བསྒོམ།། དེ་ནས་རྒྱུ་ཡི་ཏིང་ངེ་འཛིན།། རང་སེམས་དྲི་མེད་ཨ་དཀར་ལས།། ཨེ
358a3 ཡཾ་བཾ་སུཾ་ལཾ་རཾ་ལས།། འབྱུང་བ་ལྔ་ཡི་མཁའ་དཀྱིལ་དུ།། རིན་པོ་ཆེ་ཡི་རི་རབ་བརྩེག། དེ་སྟེང་བྷྲཱུཾ་ལས་འཕྲོ་འདུས་པས།། ཁ་དོག་སྣ་ལྔའི་འོད་ཕུང་ལས།། རིན་ཆེན་སྣ་ལྔའི་གཞལ་ཡས་ཁང་།། འབར་བའི་འཁོར་ལོ
358a4 བས་བཞི་མཛེས།། ཡེ་ཤེས་བཞི་ཡི་གྲུ་ཆད་ལ།། ཚད་མེད་བཞི་ཡི་སྒོ་ཡིས་མཛེས།། རྣམ་ཐར་བརྒྱད་ཀྱི་རྟ་བབས་ལ།། ཆོས་ཀྱི་དབྱིངས་ཀྱི་འཁོར་ཡུག་བྱས།། ཕྱི་ནང་མེད་པའི་གཞལ་ཡས་བསྒོམ།། དེ་དབུས་གླང
358a5 ཆེན་ཤར་སེང་གེ། ལྷོ་རུ་རྟ་མཆོག་ནུབ་རྨ་བྱ།། བྱང་དུ་ཤང་ཤང་ཁྲི་བརྩེགས་སྟེང་།། ཉི་ཟླ་པདྨའི་གདན་སྟེང་ལ།། དབུས་ཀྱི་གདན་སྟེང་ཨ་དཀར་བསམ།། འཕྲོ་འདུས་དོན་བྱས་འཁོར་ལོར་གྱུར།། དེ་ལས་རྣམ་པར
358a6 སྣང་མཛད་བསྐྱེད།། ཡུམ་དུ་སངས་རྒྱས་སྤྱན་མ་བསྒོམ།། ཡབ་ཡུམ་གཉིས་ཀ་སྐུ་མདོག་དཀར།། ཕྱག་ན་འཁོར་ལོ་འཛིན་པ་ལ།། ཞབས་གཉིས་མཉམ་པའི་སྐྱིལ་ཀྲུང་བཞུགས།། རྒྱན་དང་ཆས་ཀྱིས་སྐུ་ལ
iiif viewer powered by OpenSeadragon
