| e-texts navigator |
| Wylie |
357b1 རྣམས་ཚིམས་པར་བྱས།། དམ་ཚིག་ཉམས་པ་ཚུལ་བཞིན་བཤགས།། ཡང་ན་རྒྱལ་བའི་དཀྱིལ་འཁོར་གྱིས།། བྱིན་རླབས་ཀྱི་ནི་རྣམ་པར་བྱ།། སེམས་ཅན་ཐམས་ཅད་མཐོང་བ་ན།། སྙིང་རྗེ་བྱམས་པའི་སེམས
357b2 བསྐྱེད་དེ།། སངས་རྒྱས་ཉིད་དུ་བྱའོ་ཞེས།། སྨོན་པའི་སེམས་ནི་ཁྱད་པར་ཅན།། བློ་ཅན་རྣམས་ཀྱིས་རྟག་ཏུ་བྱ།། དེ་ལྟར་དུས་བཞི་ཉིན་མཚན་དུ།། རྣལ་འབྱོར་ཚུལ་ལ་གནས་པ་ཡིན།། ཞེས་གསུངས་སོ།། རྫོགས
357b3 རིམ་བསྟན་པའི་ལེའུ་སྟེ་བཅུ་བཞི་པའོ།། །། བུདྡྷ་བཞི་བཅུ་རྩ་གཉིས་བསྒྲུབ་པའི་སྐབས་ཏེ་གཉིས་པའོ།། དེ་ནས་སྤྱི་དཔལ་ཀུན་ཏུ་བཟང་པོ་ལ།། རིགས་ལྔའི་སངས་རྒྱས་ལ་སོགས་པ་རྣམས་ཀྱིས་འདི་སྐད
357b4 ཅེས་གསོལ་ཏོ།། ཨེ་མ་སྤྱི་དཔལ་ཀུན་ཏུ་བཟང་།། རིགས་ལྔའི་སྒྲུབ་ཐབས་བཤད་དུ་གསོལ།། དེ་སྐད་གསོལ་པ་གསན་ནས་ཀྱང་།། སྤྱི་དཔལ་ཆེན་པོས་བཀའ་སྩལ་པ།། ཉོན་ཅིག་འདུས་པའི་ཚོགས་ཆེན
357b5 རྣམས།། རིགས་ལྔའི་རིགས་འཛིན་བསྒྲུབ་འདོད་ན།། དབེན་པར་མཎྜལ་བྱི་དོར་བྱ།། བདུད་རྩི་ལྔ་ཡིས་ཆག་ཆག་གདབ། ཨོཾ་ཧཱུཾ་སྭཱ་ཨཱཾ་ཧཱ། དཔའ་བོ་འབྲུ་ལྔའི་དམིགས་རྟེན་དགོད།། ཡང་ན་རྡུལ་ཚོན་དཀྱིལ་འཁོར
357b6 བཞེངས།། འཁོར་ལོ་རྩིབས་བཞི་གྲུ་ཆད་དང་།། སྒོ་བཞི་སྒོ་ཁྱུད་རྒྱན་བཅས་བྲི།། དང་པོ་བྱང་ཆུབ་སེམས་བསྐྱེད་དེ།། བདག་དང་སེམས་ཅན་ཐམས་ཅད་ཀྱང་།། བྱང་ཆུབ་སྙིང་པོའི་རྒྱུ་ཡིན་ཡང་།། རྟོག་པས
iiif viewer powered by OpenSeadragon
