| e-texts navigator |
| Wylie |
357a1 སྦྱོར་བ།། ཐུགས་ཀྱི་དཀྱིལ་འཁོར་ཐུགས་ཀྱིས་འབྱུང་།། ཕྱོགས་དུས་དཀྱིལ་འཁོར་འདུས་པའི་མགོན།། སྒྱུ་མའི་དཀྱིལ་འཁོར་མཉམ་སྦྱོར་བ།། བྱ་བྱེད་མེད་པའི་དཀྱིལ་འཁོར་སྤྱོད།། ཡེ་ཤེས་རྫོགས
357a2 པའི་དཀྱིལ་འཁོར་ལ།། ཐོས་བསམ་བསྒོམ་ལ་མཉམ་སྦྱོར་གྱིས།། རང་བྱུང་ཀུན་དམ་ལྷུན་གྱིས་གྲུབ།། འདི་ནི་སངས་རྒྱས་ཐམས་ཅད་ཀྱིས།། འདའ་བར་མི་མཛད་དམ་ཚིག་མཆོག། གང་ཞིག་འདི་ལ་མོས་གྱུར
357a3 ན།། སངས་རྒྱས་དཀྱིལ་འཁོར་ཐམས་ཅད་ཀྱིས།། ཕྱོགས་དུས་ཀུན་ནས་ཐམས་ཅད་དུ།། དཀྱིལ་འཁོར་མ་ལུས་མཉེས་པ་ཡིས།། ཉེ་བའི་སྲས་སུ་དགོངས་པར་འགྱུར།། གསང་བའི་ཡེ་ཤེས་བསྒོམ་པའི
357a4 གནས།། མཁའ་དབྱིངས་དང་པོ་དབྱིངས་ཉི་ཟླ།། ཡེ་ཤེས་རྒྱལ་པོ་ཡབ་ཡུམ་བསྒོམ།། གང་ཞིག་གླང་ཆེན་མྱོས་འདྲའི་སེམས།། མཉམ་པར་བཞག་པས་བཏུལ་ནས་སུ།། སྔགས་དང་ཕྱག་རྒྱ་རབ་བརྟན་ན། དངོས
357a5 གྲུབ་ཡ་མཚན་ཆེན་པོར་འགྱུར།། ཏིང་ངེ་འཛིན་ལས་ལངས་ནས་སུ།། སྤྱོད་ལམ་རྣམ་པར་དག་པར་གནས།། སྣང་བའི་དངོས་པོ་སོ་སོར་ནི།། ལྷ་ཡི་དཀྱིལ་འཁོར་ཤིན་ཏུ་བསྒོམ།། ཡང་ན་སྒྱུ་མ་ལ་སོགས
357a6 ཚུལ།། ཟས་ལ་སོགས་པ་བཟའ་བ་ནི།། རྒྱལ་བའི་བྱིན་རླབས་མངོན་སུམ་ནས།། བདུད་རྩི་ལྔར་ནི་བྱིན་བརླབས་ཏེ།། ལྕེ་ཡི་དབང་པོ་རབ་སྦྱངས་ནས།། ཡེ་ཤེས་དཀྱིལ་འཁོར་ཐུགས་ཀར་བཀོད།། རྒྱལ་བའི་ཚོགས
iiif viewer powered by OpenSeadragon
