| e-texts navigator |
| Wylie |
356b1 ཕྱིར།། ཐུགས་རྗེ་ཆེན་པོས་འབྲེལ་པས་ནས།། འགྲོ་དྲུག་དུས་གནས་མ་ལུས་སྣང་།། དེ་ལྟར་རྒྱལ་མཆོག་དཔལ་ལྡན་པའི།། དཀྱིལ་འཁོར་གསང་བ་བསྒྲུབ་པའི་ཕྱིར།། དཀྱིལ་འཁོར་ལྡན་པའི་དཀྱིལ་འཁོར
356b2 གྱི།། དཀྱིལ་འཁོར་ལ་ནི་དཀྱིལ་འཁོར་བསྒོམ།། དཀྱིལ་འཁོར་དཀྱིལ་འཁོར་ལས་བྱུང་བ།། ཐུགས་ཀྱི་དཀྱིལ་འཁོར་དཀྱིལ་འཁོར་མཆོག། གསང་བའི་ཐིག་ལེ་དཀྱིལ་འཁོར་དབྱིངས།། འབྱུང་བའི་ཤེས་རབ
356b3 རིགས་ཀྱི་ཡུམ།། ཆེན་པོ་རིགས་ཀྱི་དེ་བཞིན་ཏེ།། བྱང་ཆུབ་སེམས་ནི་རྡོ་རྗེའི་ཚོགས།། དབང་པོ་ཡུལ་དུས་སྣང་བ་རྣམས།། ཀུན་ཏུ་བཟང་པོའི་དཀྱིལ་འཁོར་ལ།། བདག་ཉིད་ཆེན་པོ་ལྷག་པ་ཡི།། ཐུགས་ཀྱི་ཡེ་ཤེས
356b4 སྒྱུ་མར་སྣང་།། སྙིང་པོ་ཐིག་ལེ་མཉམ་སྦྱོར་བའི།། བདེ་བའི་ཡེ་ཤེས་རོལ་མོ་ཡིས།། ཡེ་ཤེས་དགྱེས་ལ་མཆོད་པར་འབུལ།། ཟག་པ་མེད་པའི་བསོད་ནམས་ཀྱིས།། ཡེ་ཤེས་སྒྱུ་མར་རབ་སྣང་བ།། རོལ་མོའི་དཀྱིལ
356b5 འཁོར་མཐའ་ཡས་མཆོག། གསང་བའི་ཐིག་ལེ་དེ་ཉིད་དབྱིངས།། དེ་ནི་སངས་རྒྱས་ཀུན་གྱི་དངོས།། ཕྱོགས་བཅུ་དུས་བཞི་མངོན་རྫོགས་པའི།། སྐུ་གསུང་ཡོན་ཏན་ཕྲིན་ལས་ཐུགས།། མ་ལུས་བདག་གི་ཞལ་མཐོང
356b6 བའོ།། དབང་སྒྱུར་མཆོག་ཉིད་དམ་པ་ཡིན།། དཀྱིལ་འཁོར་ལ་གནས་དཀྱིལ་འཁོར་ཉིད།། རྫོགས་པའི་དཀྱིལ་འཁོར་ལྷུན་གྱིས་གྲུབ།། རྒྱན་དུ་དཀྱིལ་འཁོར་མ་ལུས་རྫོགས།། རྫོགས་པའི་དཀྱིལ་འཁོར་མཉམ
iiif viewer powered by OpenSeadragon
