| e-texts navigator |
| Wylie |
356a1 @འཁོར་སྒྲུབ་པའི་ལེའུ་སྟེ་བཅུ་གསུམ་པའོ།། །། དེ་ནས་ཡང་དག་ངེས་གསུངས་པ།། དེ་ལྟར་རྒྱལ་བའི་དཀྱིལ་འཁོར་ནི།། བསྐྱེད་པ་ཡོངས་སུ་རྫོགས་བྱས་ཏེ།། སླར་ཡང་བདག་ཉིད་ཐུགས་གར་བསྡུ།། དེ་ནས
356a2 གསང་བའི་དཀྱིལ་འཁོར་བསྒོམ།། བདེ་བ་ཆེན་པོའི་དཀྱིལ་འཁོར་ནི།། སྟངས་དཔྱལ་གཉིས་སམ་ཡང་ན་ལྔ།། བྱས་ཏེ་དད་ལྡན་རབ་ཞུགས་ན།། འདོད་པ་ཡིད་འོང་མཉམ་པར་འགྱུར།། ཆོ་ག་ལྔ་ནི་རྫོགས་བྱས་ཤིང་།། ཡོ་བྱད་ལྔ་ནི
356a3 རྫོགས་པར་ལྡན།། སྔགས་ཀྱི་ཡན་ལག་ལྔ་རྫོགས་པས།། མ་ཉམས་འཇུག་ལ་རབ་བརྩོན་ན།། ཞག་ནི་སུམ་ཅུ་ཕྲག་དྲུག་གམ།། བཅུ་གཉིས་བཅུ་དྲུག་ཚུན་ཆད་ཀྱིས།། དབང་སྒྱུར་རིགས་ཀྱི་དམ་པ་འགྲུབ།། དེ་ཚེ་བཅུ་དྲུག་ཚུན་ཆད
356a4 ཀྱིས།། སྐུ་ལྔ་ལྷུན་གྱིས་རྫོགས་པ་ནི།། ཡེ་ཤེས་ཐིག་ལེ་ཉིད་སྣང་བ།། བསམ་གྱིས་མི་ཁྱབ་མཐའ་ཡས་མཆོག། ཕྱོགས་བཅུ་དུས་གསུམ་རྫོགས་པ་ཡི།། ཞིང་ཁམས་བསམ་ཡས་རྣམ་དག་དང་།། རྒྱ་དང་བྲལ་བའི
356a5 གཞལ་ཡས་ཁང་།། འཁོར་ལོ་རྒྱན་དང་རོལ་མོའི་ཚོགས།། དཀྱིལ་འཁོར་མ་ལུས་བསམ་ཡས་ཀུན།། མཐོང་ན་ཉེ་བར་བསྙེན་པ་དང་།། རྒྱ་ཆེན་གསུངས་པའི་དོན་འབྱུང་བ།། མཐུན་པའི་ཡེ་ཤེས་སྣང་བའོ།། གཅིག
356a6 དང་དུ་མར་བྲལ་བ་ཡི།། མཐའ་དང་དབུས་མེད་དེ་བཞིན་ཉིད།། སངས་རྒྱས་ཀྱིས་ཀྱང་མི་གཟིགས་ཏེ། རང་བྱུང་ཡེ་ཤེས་གནས་མེད་སྣང་།། ལོག་པར་རྟོག་པ་རྣམ་དག་ཅིང་།། ཡེ་ཤེས་དབྱིངས་ལས་མི་གཞན
iiif viewer powered by OpenSeadragon
