| e-texts navigator |
| Wylie |
355b1 དཀྱིལ་འཁོར་དང་།། དམ་ཚིག་དཀྱིལ་འཁོར་མཉམ་སྦྱོར་བྱ།། དཀྱིལ་འཁོར་ཀུན་ལ་མཉམ་བལྟས་ནས།། སྒྱུ་མ་མིག་ཡོར་ལྟ་བུར་བལྟ།། དེ་ནས་ལྷ་ལ་མཆོད་པའི་ཕྱིར།། ཆོས་ཀྱི་དབྱིངས་དང་མཉམ་སྦྱོར
355b2 ཞིང་།། མཆོད་པའི་ཕྱག་རྒྱ་ཆེན་པོར་བསྒོམ།། བདག་གི་སྙིང་གའི་ས་བོན་ལས།། འོད་ཟེར་མང་པོའི་ཟེར་འཕྲོས་ཏེ།། ཕྱོགས་བཅུའི་སངས་རྒྱས་ཐམས་ཅད་ཀྱི།། མཆོད་པའི་ཚོགས་རྣམས་ཀུན་འདུས་ཏེ།། བདག
355b3 ཉིད་ཀྱིས་ནི་ཐུགས་ཀར་ཐིམ། རྡོ་རྗེའི་ལམ་དུ་ཕྱུང་ནས་ནི།། བྱང་ཆུབ་སེམས་ཀྱི་མཁའ་དབྱིངས་ནས།། བྱང་ཆུབ་སེམས་ཀྱི་འོད་ཟེར་ལས།། མཆོད་པའི་ལྷ་མོའི་ཚོགས་སྤྲོས་ཏེ།། རྒྱལ་བའི་དཀྱིལ་འཁོར་མཆོད་པར
355b4 བྱེད།། དེ་ནས་ལྷ་མོའི་ཚོགས་རྣམས་ཀྱིས།། དེ་བཞིན་གཤེགས་པའི་དཀྱིལ་འཁོར་ལ།། དགྱེས་པའི་གླུ་བླང་བསྟོད་པར་བྱ།། དེ་ནས་བསྙེན་བསྒྲུབ་བཟླས་པ་ནི།། ལྷ་རྣམས་ཀུན་གྱི་ཐུགས་ཀ་རུ།། ཟླ་དཀྱིལ་སྟེང་དུ
355b5 རང་འདྲ་ཡི།། ཡེ་ཤེས་སེམས་དཔའ་གསལ་བསྒོམས་ལ།། དེ་ལ་བཟླས་པའི་སྔགས་ཀྱིས་བསྐོར།། ཨོཾ་བོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷཱ་དྷཱ་ཨ། ཡེ་ཤེས་ལྔ་ཡི་འོད་ཟེར་གྱིས།། ཕར་འཕྲོས་བདེ་གཤེགས་ཐམས་ཅད
355b6 མཆོད།། ཚུར་འདུས་དངོས་གྲུབ་རྣམ་གཉིས་བསྡུས།། སྤྲོ་བསྡུ་མགལ་མེ་ལྟ་བུར་བསྐོར།། དུས་དང་གྲངས་དང་མཚན་མ་ཡི།། བསྙེན་པའི་རིམ་པ་རྫོགས་པར་བྱ།། ཞེས་གསུངས་སོ།། ཡེ་ཤེས་རང་བཞིན་གྱི་དཀྱིལ
iiif viewer powered by OpenSeadragon
