| e-texts navigator |
| Wylie |
355a1 དཀར་མོ་འགུགས་པའི་ལྕགས་ཀྱུ་བསྣམས།། མི་ཕམ་སྔོན་པོ་རྡོ་རྗེ་ཞགས་པ་བསྣམས།། རལ་གཅིག་དམར་མོ་རྡོ་རྗེ་ལྕགས་སྒྲོལ་བསྣམས།། ཁྲོ་གཉེར་མ་ནི་ལྗང་གུ་དྲིལ་བུ་བསྣམས།། དཀྱིལ་འཁོར
355a2 འཁྱམས་ལ་ཐུབ་པ་དྲུག། ལྷ་ཡི་ཐུབ་པ་དཀར་པོ་པི་ཝང་བསྣམས།། ལྷ་མིན་ཐུབ་པ་སྔོན་པོ་གོ་ཆ་བསྣམས།། མི་ཡི་ཐུབ་པ་སེར་པོ་གསེག་ཤང་བསྣམས།། བྱོལ་སོང་ཐུབ་པ་ལྗང་གུ་པོ་ཏི་བསྣམས།། ཡི་དྭགས་ཐུབ
355a3 པ་དམར་པོ་སྒྲོམ་བུ་བསྣམས།། དམྱལ་བའི་ཐུབ་པ་ནག་པོ་མེ་ཆུ་བསྣམས།། དེ་ལྟར་སངས་རྒྱས་བཞི་བཅུ་རྩ་གཉིས་ཀྱི།། ཕྱག་རྒྱ་ཆེན་པོར་གསལ་བར་བསྐྱེད།། སྣང་སྟོང་དབྱེར་མེད་དཀྱིལ་འཁོར་ནི།། ཡེ་ནས་མ
355a4 བཅོས་ལྷུན་གྱིས་གྲུབ།། ཅེས་གསུངས་སོ།། དམ་ཚིག་གི་དཀྱིལ་འཁོར་བསྐྱེད་པའི་ལེའུ་སྟེ་བཅུ་གཉིས་པའོ།། །། དེ་ནས་ཡང་དག་ངེས་གསུངས་པ།། ཐུགས་ཀྱི་ས་བོན་འོད་ཟེར་ལས།། ཕྱོགས་བཅུའི
355a5 དཀྱིལ་འཁོར་སྤྱན་དྲངས་ཏེ།། ཕྱོགས་བཅུ་དུས་གསུམ་དཀྱིལ་འཁོར་ཚོགས།། མི་དམིགས་དབྱིངས་ཀྱི་དཀྱིལ་འཁོར་ནས།། བདེ་གཤེགས་ཐམས་ཅད་སྤྱན་དྲང་ངོ་།། ལྕགས་ཀྱུ་ལ་སོགས་ཕྱག་རྒྱ་བཞིས།། རང་རང
355a6 དབྱེར་མེད་དཀྱིལ་འཁོར་ལ།། འཇུག་པའི་མཚན་ཉིད་མཉམ་སྦྱོར་བས།། ཕྱོགས་དུས་ཀུན་ནས་གཤེགས་པ་ཡི།། བསྙེན་པའི་དཀྱིལ་འཁོར་རྫོགས་པ་དང་།། ཉེ་བར་གྱུར་པའི་དམ་ཚིག་མཆོག། དེ་ལྟར་ཡེ་ཤེས
iiif viewer powered by OpenSeadragon
