| e-texts navigator |
| Wylie |
354a1 ཨོཾ། ཨ་ཨ་ཨ་བཛྲཱི་བྷ་དྲ་ས་མནྟ་ཨ། སྐུ་བསྐྱེད་གསལ་བརྟན་རྩ་བའི་སྔགས།། བཞི་བཅུ་རྩ་གཉིས་སྙིང་པོ་ཡིན།། ཞེས་གསུངས་སོ།། སངས་རྒྱས་བཞི་བཅུ་རྩ་གཉིས་སོ་སོའི་རྩ་བའི་སྔགས་བསྟན་པའི
354a2 ལེའུ་སྟེ་བཅུ་གཅིག་པའོ།། །། དེ་ནས་ཡང་དག་ངེས་གསུངས་པ།། བཞི་བཅུ་རྩ་གཉིས་བཞུགས་ཚུལ་ནི།། བརྒྱ་བྱིན་ལ་སོགས་ཕྱོགས་སུ་གནས།། མཐིང་ག་དཀར་པོ་སེར་ལེ་བརྒན།། ལྗང་གུའི་མདོག་ཏུ
354a3 འཚེར་བ་ནི།། གཙོ་བོ་གདན་ལ་རྫོགས་པའི་ཚུལ།། འཁོར་རྣམས་སེམས་དཔའི་ཚུལ་དུ་བཞུགས།། སོ་སོའི་སྐུ་མདོག་ཡབ་དང་མཐུན།། འཁོར་ལོ་རྒྱལ་པོ་རྒྱལ་མོ་དང་།། གཡས་ན་མཐོང་ཟོས་སྡོམ་པ་དང་།། མྱོང
354a4 དང་བཙུན་མོའི་ཚོགས་སུ་བཅས།། གྲུ་ཆད་ལ་ནི་མཐོང་བྱེད་དང་།། ཐོས་བྱེད་སྣོམ་བྱེད་མྱོང་བྱེད་རྣམས།། བཙུན་མའི་ཚོགས་དང་ལྡན་པར་བསམ།། མདུན་དང་རྒྱབ་ཏུ་བྱེད་པ་དང་།། བྱ་བ་དག་ནི་གནས་པར
354a5 བསྟན།། སྒོ་ཁྱུད་བཞི་ལ་འཇོམས་པ་ནི།། བཙུན་མོའི་ཚོགས་དང་ལྡན་པར་གནས།། ཡབ་ཡུམ་བཞུགས་ཚུལ་ཕྱག་མཚན་ནི།། རྣམ་སྣང་དཀར་པོ་འཁོར་ལོ་བསྐོར།། མི་བསྐྱོད་མཐིང་ག་རྡོ་རྗེ་བསྣམས།། འབྱུང་ལྡན
354a6 སེར་པོ་རིན་ཆེན་བསྣམས།། མཐའ་ཡས་དམར་པོ་པདྨ་བསྣམས།། དོན་གྲུབ་ལྗང་གུ་རྒྱ་གྲམ་བསྣམས།། ཀུན་ཏུ་བཟང་མོ་དྲིལ་བུ་བསྣམས།། སངས་རྒྱས་སྤྱན་ནི་ཐོར་ཚུགས་བསྣམས།། གོས་དཀར་མོ་ནི་རིན་ཆེན
iiif viewer powered by OpenSeadragon
