| e-texts navigator |
| Wylie |
352b1 མཆོག་དཔལ།། ཡུམ་དུ་རྡོ་རྗེ་རལ་གཅིག་མའོ།། བྱང་སྒོར་ཁྲོ་བོ་བདུད་རྩི་འཁྱིལ།། ཡུམ་དུ་རྡོ་རྗེ་སྤྱན་གཅིག་མའོ།། མཐའ་དབུས་མེད་པར་ཁྱབ་པ་ཡི།། དཀྱིལ་འཁོར་བསམ་ཡས་ལྷུན་གྱིས་གྲུབ།། དཀྱིལ་འཁོར
352b2 ཡོངས་སུ་རྫོགས་པ་ལ།། རྒྱལ་བ་མཆོད་པས་མཉེས་པར་གྱུར།། མཉེས་ནས་སེམས་ཅན་དོན་བྱ་ཞེས།། དཀྱིལ་འཁོར་དམ་པ་བསྟན་གྱུར་ན།། སེམས་ཅན་མ་རིག་ཀྱིས་བསྒྲིབས་ནས།། དཀྱིལ་འཁོར་མཐོང་བའི
352b3 སྐལ་མེད་གྱུར།། དེ་ལས་བྱང་ཆུབ་སེམས་འཕྲོས་པས།། ཨོཾ་སོགས་ཡི་གེ་མངོན་པར་གྱུར།། ས་བོན་ལས་ནི་ཕྱག་མཚན་འབར།། དེ་ལས་ཐུབ་པའི་སྐུར་རྫོགས་ཏེ།། སོ་སོའི་སྙིང་པོ་བརྗོད་པ་ཡིས།། མཁའ་དབྱིངས
352b4 སྐུ་གཟུགས་གནས་པ་ལས།། འཇིག་རྟེན་དྲུག་གི་ཕྱོགས་བཅུར་འཕྲོས།། འཇིག་རྟེན་དྲུག་གི་ཕྱོགས་བཅུར་ནི།། འདུལ་བ་རྣམ་བཞིས་འགྲོ་དོན་མཛད།། བལྟམས་དང་རབ་ཏུ་བྱུང་བ་དང་།། མངོན་པར་སངས་རྒྱས
352b5 བདུད་བཏུལ་དང་།། འཁོར་ལོ་བསྐོར་བའི་ཆོ་འཕྲུལ་བསྟན།། མྱ་ངན་འདའ་སོགས་ཐུབ་པ་ཡི།། སྤྱོད་པ་རྗེས་མཐུན་སྟོན་པར་མཛད།། མངོན་ཤེས་དྲུག་གི་ཆོ་འཕྲུལ་གྱིས།། ཐམས་ཅད་མཁྱེན་པ་ཉིད་དུ་སོན།། སྐུ
352b6 དང་གསུང་དང་ཐུགས་རྣམས་ཀྱི།། བྱེ་བྲག་སྣ་ཚོགས་སྟོན་མཛད་པས།། འགྲོ་བ་སོ་སོར་འདུལ་བ་བཞིན།། བྱིན་རླབས་འདུལ་བ་སྟོན་པར་མཛད།། སོ་སོའི་བསམ་པའི་བྱེ་བྲག་གིས།། ལྷ་དང་མི་ཡི་ཐེག་པ
iiif viewer powered by OpenSeadragon
