| e-texts navigator |
| Wylie |
351b1 གྱིས་བརླབས།། སྐུ་གསུང་ཐུགས་ཀྱི་འབྲུ་གསུམ་གྱིས།། འོད་ཟེར་རྣམ་པ་མང་པོ་སྤྲོས།། ཕྱོགས་བཅུའི་སྐུ་གསུང་ཐུགས་བསྡུས་ནས།། བདག་གི་སྐུ་གསུང་ཐུགས་ལ་ནི།། རྒྱལ་བའི་དཀྱིལ་འཁོར་བཞུགས་པར
351b2 བསམ།། ཨོཾ་སརྦ་ཏ་ཐཱ་ག་ཏ་མ་ཧཱ་ཀཱ་ཡ་བཛྲ་སྭ་བྷཱ་ཝ་ཨཱཏྨ་ཀོ&ཧཾ། ཨོཾ་སརྦ་ཏ་ཐཱ་ག་ཏ་མ་ཧཱ་ཝཱ་ཀ་བཛྲ་སྭ་བྷཱ་ཝ་ཨཱཏྨ་ཀོ&ཧཾ། ཨོཾ་སརྦ་ཏ་ཐཱ་ག་ཏ་མ་ཧཱ་ཙིཏྟ་བཛྲ་སྭ་བྷཱ་ཝ་ཨཱཏྨ་ཀོ&ཧཾ། དེ་ལྟར་སྐུ་གསུང་ཐུགས་གསུམ
351b3 དུ།། ང་རྒྱལ་རབ་ཏུ་བསྐྱེད་ནས་ནི།། ཡུམ་གྱི་སྐུ་ཡི་དཀྱིལ་འཁོར་ལ།། ཡིག་འབྲུ་རྣམ་གསུམ་རྣམ་ཤེས་ལ།། ཡིག་འབྲུའི་བྱིན་བརླབ་ཚུལ་བཞིན་བྱ།། དེ་ནས་ཡུམ་ནི་བྱིན་བརླབ་བྱ།། ཨོཾ་ཨཱཿཧཱུཾ་སྭཱ་ཧཱ།། གནས་ལྔ་དག
351b4 ཏུ་དགོད་པར་བྱ།། དེ་ལྟར་ཡབ་ཡུམ་སྐུ་རྫོགས་ནས།། དཀྱིལ་འཁོར་ཆེན་པོ་རྣམ་འཕྲུལ་ཕྱིར།། གཉིས་མེད་ཆགས་པའི་སྦྱོར་དོན་དུ།། རྡོ་རྗེ་པདྨ་བྱིན་གྱིས་བརླབ།། ཧཱུཾ་ལས་རྡོ་རྗེ་རབ་ཏུ་ཤེས།། ཨོཾ་ལས་བྱུང་བའི
351b5 ནོར་བུར་བསམ།། ཨོཾ་ལས་པདྨར་བསྐྱེད་པར་བྱ།། ཨོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་རཱ་ག་ཎ་བཛྲ་སྭ་བྷཱ་ཝ་ཨཱཏྨ་ཀོ&ཧཾ། བསྙེན་པ་དང་ནི་ཉེ་བའི་བསྙེན།། སྒྲུབ་པ་དང་ནི་སྒྲུབ་ཆེན་པོ།། ཡུམ་གྱི་པདྨའི་དཀྱིལ་འཁོར
351b6 དུ།། བདེ་བ་ཐུགས་ཀྱི་དཀྱིལ་འཁོར་དུ།། བྱང་ཆུབ་སེམས་ཀྱི་བྱིན་རླབས་ལས།། ཡིག་འབྲུ་རྣམས་ཀྱི་འཕྲོ་འདུ་ཡིས།། ས་བོན་མཚན་མ་སྐུ་རྣམས་རྫོགས།། སུམ་བཅུ་དྲུག་གི་དཀྱིལ་འཁོར་འགྱུར།། དེ་ལས་འགྲོ་བ
iiif viewer powered by OpenSeadragon
