| e-texts navigator |
| Wylie |
350b1 བརྟེན།། གཡོན་གྱིས་ཉི་མའི་ལས་སུ་འཁྲིལ།། དབུ་ནི་འབྱོ་ཞིང་འདུད་པའི་ཚུལ།། དེ་ལྟར་ཡོངས་སུ་བསྐྱེད་པ་ནི།། གཉིས་མེད་ཆགས་པའི་སྦྱོར་བས་དྲངས།། དེ་བཞིན་གཤེགས་པ་ཀུན་འདུས་ནས།། ཡབ་ལ་དེ
350b2 བཞིན་གཤེགས་རྣམས་ཐིམ།། རྡོ་རྗེའི་ལམ་དུ་ཕྱུང་ནས་ནི།། ཡུམ་གྱི་པདྨའི་མཁའ་དཀྱིལ་དུ།། བྱང་ཆུབ་སེམས་ཀྱི་འཕྲོ་འདུ་ལས།། ཡེ་ཤེས་དཀྱིལ་འཁོར་རྫོགས་པར་སྤྲུལ།། དེ་ནས་སྙིང་རྗེའི་ཆགས་པ
350b3 ཡིས།། སེམས་ཅན་མ་ལུས་བསྡུས་བྱས་ནས།། དཀྱིལ་འཁོར་ཕྱི་རོལ་འཁོད་ནས་ནི།། དེ་དག་འཇུག་པར་གསོལ་བ་འདེབས།། གསོལ་བ་བཏབ་པའི་ཚིག་བརྗོད་ནས།། ཐམས་ཅད་དཀྱིལ་འཁོར་འཇུག་པར
350b4 འགྱུར།། བདུད་རྩིའི་འོད་ཀྱིས་རེག་པར་གྱུར།། ཐམས་ཅད་རང་བཞིན་སངས་རྒྱས་ཤེས།། དེ་ལྟར་རྒྱལ་པོའི་བྱིན་རླབས་ཀྱིས།། རང་ལུས་རྒྱལ་བའི་དཀྱིལ་འཁོར་ཆེ།། རྡོ་རྗེ་ཕུང་པོའི་ཡན་ལག་ནི།། རྫོགས་པའི
350b5 སངས་རྒྱས་ལྔ་རུ་གྲགས།། སྐྱེ་མཆེད་ཁམས་རྣམས་མང་པོ་ཀུན།། བྱང་ཆུབ་སེམས་དཔའི་དཀྱིལ་འཁོར་ཉིད།། ས་ཆུ་སྤྱན་དང་མཱ་མ་ཀི། མེ་རླུང་གོས་དཀར་དམ་ཚིག་སྒྲོལ།། ནམ་མཁའ་དབྱིངས་ཀྱི་དབང་ཕྱུག
350b6 མ།། སྲིད་གསུམ་ཡེ་ནས་སངས་རྒྱས་ཤིང་།། ཐམས་ཅད་མ་ལུས་ཆོས་སོ་ཅོག། སངས་རྒྱས་ཉིད་ལས་གཞན་མ་ཡིན།། སངས་རྒྱས་ཉིད་ལས་གཞན་པའི་ཆོས།། སངས་རྒྱས་ཉིད་ཀྱིས་མི་བརྙེས་སོ།། དེ་ནས་རྒྱལ་བ
iiif viewer powered by OpenSeadragon
