| e-texts navigator |
| Wylie |
349b1 ཤེས་ཀུན་སྤངས་ན།། བགེགས་ཀྱི་སྦྱོར་བ་ཡོད་མི་འགྱུར།། དེ་བས་རྣམ་རྟོག་བགེགས་ཡིན་པས།། ཡང་དག་རིག་པ་ཉིད་ཀྱིས་བསྲུང་།། དང་པོ་སྟོང་ཉིད་བྱང་ཆུབ་སེམས།། སྐྱེ་འགག་མེད་པའི་དོན་གསལ
349b2 ནས།། སྙིང་རྗེའི་ཡུལ་གྱིས་བླངས་ནས་ནི།། ས་བོན་ཤིན་ཏུ་གསལ་བར་གྱུར།། རབ་ཏུ་བརྟན་གྱུར་ཨ་དཀར་ལས།། ཤིན་ཏུ་ཕྲ་བའི་ཨ་རྣམས་སྤྲོས།། ཕྱོགས་ཀུན་གང་བར་གསལ་གྱུར་ལ།། བསྡུས་ཀྱང་འཕེལ
349b3 འགྲིབ་མེད་པའོ།། དེ་ལས་མིང་ཚོགས་གསལ་བ་ཀུན།། སྤྲོ་ཞིང་བསྡུ་བ་དེ་བཞིན་ཏེ།། འདི་ནི་རྡོ་རྗེ་དངོས་གྲུབ་ཀྱི།། རྟེན་འབྱུང་ཡེ་ཤེས་རྒྱུ་ཡིན་ནོ།། དེ་ནས་མཐའ་དབུས་མེད་པ་ཡི།། འོག་མིན་ཆོས་འབྱུང་བསམ
349b4 པར་བྱ།། དེ་ནས་ཡཾ་ལས་བྱུང་བ་ཡི།། རླུང་གི་དཀྱིལ་འཁོར་བསམ་པར་བྱ།། དེ་སྟེང་ཡི་གེ་རཾ་ལས་ནི།། མེ་ཡི་དཀྱིལ་འཁོར་བསྐྱེད་པར་བྱ།། དེ་ཡི་སྟེང་དུ་བཾ་བསམས་ཏེ།། དེ་ལས་ཆུ་ཡི་དཀྱིལ་འཁོར་རོ།། ཆུ་ཡི
349b5 དཀྱིལ་འཁོར་སྟེང་དུ་ནི།། ཡཾ་ལས་ཡེ་ཤེས་ས་གཞིར་བརྟགས།། རིན་ཆེན་འབར་བ་རི་རབ་སྟེང་།། བྷྲཱུཾ་ལས་ཡེ་ཤེས་གཞལ་ཡས་ཁང་། ཡེ་ཤེས་ཆེན་པོའི་རང་བཞིན་ནོ།། རྒྱ་རྣམས་ཡོངས་སུ་མ་ཆད་པ།། བསོད
349b6 མས་ཡེ་ཤེས་ཚོགས་རྒྱས་པས།། ཀུན་ཏུ་གྲུ་བཞིར་གནས་གྱུར་པ།། ཡེ་ཤེས་ལྷག་པའི་གློ་འབུར་མཛེས།། ཐམས་ཅད་ངོ་བོ་གཅིག་པའི་ཕྱིར།། རྩེ་མོ་ཀུན་ཏུ་འདུས་པ་ཡིན།། རིན་ཆེན་རྒྱན་སོགས་བྱེ་བྲག
iiif viewer powered by OpenSeadragon
