| e-texts navigator |
| Wylie |
349a1 པར་རྟོག། ཕྱོགས་རྟོག་ཡང་དག་ཉིད་མ་རྟོགས།། འདུལ་བར་དགོངས་ནས་གསང་བ་དང་།། རང་བཞིན་གསང་བའི་དོན་རྣམས་ནི།། ཡི་གེ་སྒྲས་བཏགས་མིང་ཚོགས་ལ།། བརྟེན་པའི་ཚིག་གིས་རབ
349a2 མཚོན་ཏེ།། ཁོང་ནས་གསང་སྦས་དོན་འབྱིན་པ།། སྟོན་པ་རྡོ་རྗེའི་ཐུགས་ལ་གབ།། ཐོས་བསམ་བསྒོམ་ལ་རབ་སྦྱངས་ཏེ།། ཤེས་རབ་མིག་ལྡན་རྣམས་ཀྱིས་གཟུང་།། སྣོད་ལྡན་ངང་ཚུལ་བཟང་ལ་བསྟན།། ལུས་དང
349a3 ལོངས་སྤྱོད་གཏོང་ལ་སྦྱིན།། སློབ་དཔོན་མཉེས་པར་བྱ་བ་དང་།། སྒྱུ་འཕྲུལ་དྲ་བའི་དཀྱིལ་འཁོར་དུ།། དབང་རྣམས་རྫོགས་པར་བྱས་པ་ཡིས།། འདོད་ཡོན་གཡེང་བ་ཀུན་སྤངས་ཏེ།། དཀའ་ཐུབ་སྤྱོད་པས་མ
349a4 གདུངས་པར།། ཏིང་འཛིན་ཐུབ་པའི་ས་ཕྱོགས་སུ།། རབ་ཏུ་བདེ་བའི་བསྟན་ལ་འདུག། བྱམས་དང་སྙིང་རྗེ་དགའ་བ་དང་།། བཏང་སྙོམས་བཞི་པོ་རབ་བསྒོམས་ནས།། སེམས་ཅན་རྣམས་ཀྱི་དོན་གྱི་ཕྱིར།། སྐུ
349a5 གསུང་ཐུགས་ནི་བསྒྲུབ་བྱ་ཞེས།། བདག་ནི་བསམ་པ་བརྟན་བྱས་ཏེ།། རང་སྙིང་ས་བོན་འོད་ཟེར་ལས།། སྤྲུལ་པའི་མཆོད་པའི་ཚོགས་སྤྲོས་ཏེ།། མདུན་གྱི་དཀྱིལ་འཁོར་ཚོགས་རྣམས་དང་།། བླ་མ་ལ་སོགས་རྣམས
349a6 མཆོད་དེ།། དེ་ནས་སྡིག་པ་བཤགས་པ་དང་།། སྐྱབས་གསོལ་ལ་སོགས་བྱས་ནས་ནི།། བགེགས་རྣམས་མ་ལུས་གཞོམ་པའི་ཕྱིར།། སྣ་ཚོགས་ཧཱུཾ་ལས་བསྐྱེད་པ་ཡི།། རྡོ་རྗེའི་ས་གཞི་བསམ་པར་བྱ།། རྣམ་རྟོག་འདུ
iiif viewer powered by OpenSeadragon
