| e-texts navigator |
| Wylie |
348b1 གྱིས་བསྡུ།། ཕྱོགས་བཞི་བྱང་ནས་རིམ་པར་བསྡུ།། ཤར་ནས་དབུས་ཀྱི་དཀྱིལ་འཁོར་ལ།། མཚམས་བཞིའི་དཀྱིལ་འཁོར་རིམ་གྱིས་བསྡུ།། དབུས་ཀྱི་ལྷ་ཚོགས་བྱང་ནས་བསྡུ།། དབུས་ཀྱི་གཙོ་བོ་ཉིད་ལ
348b2 བསྡུ།། གཙོ་བོ་ཐུགས་ཀའི་ཡེ་ཤེས་སེམས་དཔའ་ལ།། དེ་ཡང་རྡོ་རྗེ་ནས་ཙམ་ལ།། དེ་ཡང་ཡི་གེ་ཧཱུཾ་ལ་བསྡུ། ཧཱུཾ་ཡང་རིམ་གྱིས་ཐིག་ལེ་ལ།། ཐིག་ལེ་ཆོས་ཀྱི་དབྱིངས་སུ་བསྡུ།། དེ་ཡི་ངང་དུ་བློ་བཞག་ལ།། སླར་ཡང
348b3 ལྷ་ཡི་ཏིང་འཛིན་དུ།། སྐད་ཅིག་ལངས་ཏེ་སྤྱོད་ལམ་བྱ།། འདི་ལྟར་བསྐྱེད་རྫོགས་དོན་བསྒོམས་ན།། ངེས་པར་ལེགས་པའི་དོན་མཐོང་ནས།། རིག་འཛིན་ས་ལ་རྫོགས་པར་སྦྱོར།། ཞེས་གསུངས་སོ།། དམ་པ་རིགས
348b4 བརྒྱའི་སྒྲུབ་ཐབས་བསྟན་པའོ།། བདེ་གཤེགས་འདུས་པའི་རྒྱུད་ལས་མཇུག་རྫོགས་རིམ་གྱི་ལེའུ་སྟེ་དགུ་པའོ།། །། བདེ་གཤེགས་དམ་པ་རིགས་བརྒྱའི་སྒྲུབ་ཐབས་བསྟན་པའི་སྐབས་ཏེ་དང་པོའོ།། དེ
348b5 ནས་སྤྱི་དཔལ་ཆེན་པོ་ཀུན་ཏུ་བཟང་པོ་ལ། རིགས་ལྔའི་སངས་རྒྱས་རྣམས་ཀྱིས་ཞུས་པ། ཨེ་མ་ཧོ་སྤྱི་དཔལ་ཀུན་ཏུ་བཟང་།། འགྲོ་བའི་ལོག་རྟོག་གཞོམ་པའི་ཕྱིར།། སངས་རྒྱས་བཞི་བཅུ་རྩ་གཉིས་ཀྱི།། ཡེ་ཤེས
348b6 ད་པའི་སྒྲུབ་ཐབས་གང་།། སྒྲི་དཔལ་ཡབ་ཀྱིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། སྤྱི་དཔལ་ཡབ་ཀྱིས་བཀའ་སྩལ་པ།། ཉོན་ཅིག་འདུས་པའི་འཁོར་ཚོགས་རྣམས།། མ་རྟོགས་པ་དང་ལོག
iiif viewer powered by OpenSeadragon
