| e-texts navigator |
| Wylie |
348a1 སྔགས།། ལྷ་རྣམས་ཐུགས་ཀར་ཉི་མའི་སྟེང་།། ཡེ་ཤེས་སེམས་དཔའ་གསལ་བཀོད་ལ།། དེ་ཡི་ཐུགས་ཀར་ཟླ་བའི་སྟེང་།། སྔགས་ཀྱི་ཕྲེང་བ་གསལ་བཀོད་དེ།། འོད་ཟེར་འཕྲོ་འདུས་བསྙེན་པ
348a2 བྱ།། བདག་གཞན་དོན་གྱི་བཟླས་པ་རྣམས།། གང་འདོད་ཚད་དུ་ཕྱིན་པར་བཟླས། དེ་ནས་ཏིང་འཛིན་གཏོང་འདོད་ན།། ལྷ་ཚོགས་རྣམས་ལ་བཤགས་པ་བྱ།། གཏོར་མ་བྱིན་གྱིས་བརླབས་ལ་གཏང་།། བཀྲ་ཤིས
348a3 བརྗོད་ཅིང་ཕྲིན་ལས་བཅོལ།། དེ་ལྟར་བསྒྲུབ་པའི་སྦྱོར་བ་ནི།། ཟླ་དྲུག་ཟླ་བ་བཅུ་གཉིས་སམ།། ལོ་གསུམ་ལོ་དྲུག་བཅུ་གཉིས་ཀྱིས།། རིག་འཛིན་ས་ལ་ངེས་པར་སྦྱོར།། ཞེས་གསུངས་སོ།། རང་བཞིན་གྱི་དཀྱིལ
348a4 འཁོར་བསྒྲུབ་པའི་ལེའུ་སྟེ་བརྒྱད་པའོ།། །། དེ་ནས་ཡང་དག་ངེས་གསུངས་པ།། རྟགས་ཐོན་བསྙེན་བསྒྲུབ་ཐོན་པ་དང་།། ཆོ་གའི་རིམ་པ་རབ་རྫོགས་ནས།། དེ་ནས་དཀྱིལ་འཁོར་བསྡུ་བྱས་ཏེ།། དམ་ཚིག
348a5 སེམས་དཔའི་ལྷ་ཚོགས་དང་། ཡེ་ཤེས་སེམས་དཔའི་དཀྱིལ་འཁོར་ནི།། གཉིས་མེད་གཅིག་ལ་གཉིས་སུ་དབྱེ།། ཡེ་ཤེས་སེམས་དཔའ་གཤེགས་སུ་གསོལ།། ཨོཾ་ཨཱཿཧཱུཾ་མུཾ་གྱི་སྔགས་བརྗོད་པས།། བདག་ལ་ཞལ
348a6 བསྟན་དབྱིངས་སུ་གཤེགས།། དམ་ཚིག་སེམས་དཔའི་དཀྱིལ་འཁོར་དེ།། སྒོ་བ་རིམ་གྱིས་བྱང་ནས་བསྡུ།། སྒོ་བ་ཐུབ་པ་དྲུག་ལ་བསྡུ།། ཐུབ་དྲུག་བྱང་ཤར་དཀྱིལ་འཁོར་ལ།། མཚམས་བཞིའི་དཀྱིལ་འཁོར་རིམ
iiif viewer powered by OpenSeadragon
