| e-texts navigator |
| Wylie |
347b1 ཨཱཏྨ་ཀོ&ཧཾ། ཨོཾ་པྲ་ཏྱ་བེཀྵ་ཎ་ཛྙཱ་ན་བཛྲ་སྭ་བྷ་ཝ་ཨཱཏྨ་ཀོ&ཧཾ། དེ་ལྟར་བྱིན་བརླབས་དབང་བསྐུར་ནས། ཕྱག་རྒྱ་ཆེན་པོ་བསྒྲུབ་པར་བྱ།། དམ་ཚིག་སེམས་དཔའ་བསྐྱེད་པའོ།། ཞེས་གསུངས་སོ།། དམ་ཚིག་གི་དཀྱིལ
347b2 འཁོར་བསྟན་པའི་ལེའུ་སྟེ་བདུན་པའོ།། །། དེ་ནས་རིགས་ལྔའི་སངས་རྒྱས་ཀྱིས་དཔལ་ཀུན་ཏུ་བཟང་པོ་ལ་གསོལ་པ། ཏིང་འཛིན་དཀྱིལ་འཁོར་དེ་ལགས་ན།། རང་བཞིན་དཀྱིལ་འཁོར་ཇི་ལྟར
347b3 བསྒྲུབ།། དེ་སྐད་གསོལ་པ་གསན་ནས་ཀྱང་།། སྤྱི་དཔལ་ཆེན་པོས་བཀའ་སྩལ་པ།། རང་བཞིན་དཀྱིལ་འཁོར་དགུག་པ་ནི།། ཐུགས་ཀའི་ཧཱུཾ་གི་འོད་ཟེར་གྱིས།། སྤྲུལ་པའི་ལྷ་མོ་འཕྲོས་པ་ཡིས།། ཆོས་ཀྱི་དབྱིངས་ཀྱི
347b4 ཕོ་བྲང་ནས།། དམ་པ་རིགས་བརྒྱའི་ལྷ་ཚོགས་ལ།། སྙན་གསན་ཕབ་སྟེ་སྤྱན་དྲངས་ལ།། མདུན་གྱི་ནམ་མཁར་བཞུགས་པ་དེ།། འོད་ཀྱི་ནང་དུ་སྤྱན་དྲངས་ལ།། དམ་ཚིག་ལ་ནི་ཡེ་ཤེས་བསྟིམ།། གཉིས་སུ་མེད་པར
347b5 བརྟན་པར་གཞུག། གཞལ་ལས་ཁང་གི་སྒོ་བཞི་ནས།། ཐུགས་ལས་སྤྲུལ་པའི་གསང་ཡུམ་བཞིས།། མཉེས་པའི་ཚུལ་གྱིས་ཕྱག་ཀྱང་བཙལ།། འདོད་ཡོན་ལྷ་མོ་ལྷ་ཚོགས་ཀྱིས།། ཕྱི་ནང་གསང་བའི་མཆོད་པ
347b6 རྣམས།། མཉེས་པའི་ཚུལ་གྱིས་ཚིམ་པར་མཆོད།། མཆོད་ཅིང་བསྟོད་པ་དག་པར་འབུལ།། བཟླས་པའི་འཕྲོ་འདུ་བྱ་བ་ནི།། ཨོཾ་ཨཱ་ལི་ཀཱ་ལི་པཉྩ་ཛྙཱ་ན་ས་ཏྭ་ཀྲོ་དྷ་མུ་ན་ཡེ་སྭཱ་ཧཱ།། དམ་པ་རིགས་བརྒྱ་འདུས་པའི
iiif viewer powered by OpenSeadragon
