| e-texts navigator |
| Wylie |
345b1 བསྐུར་དཀར།། ཕྱག་རྒྱ་སྣ་ཚོགས་བསྒྱུར་བའོ།། ལྷོ་རུ་རྡོ་རྗེ་བྱུག་པ་སེར།། ཕྱག་ན་སྤོས་ཆུ་བསྣམས་པའོ།། ནུབ་ཏུ་རྡོ་རྗེ་དྲིལ་འཁྲོལ་དམར།། ཕྱག་ན་དྲིལ་བུ་འཁྲོལ་བའོ།། བྱང་དུ་རྡོ་རྗེ་འབེབས་མ་ལྡང་།། ཕྱག་ན
345b2 བུམ་པའི་ཆུ་རྒྱུན་བསྣམས།། ཤར་ལྷོ་མཚམས་ཀྱི་དཀྱིལ་འཁོར་དུ།། གཙོ་བོ་ས་ཡི་སྙིང་པོ་དཀར།། ཕྱག་ན་རིན་ཆེན་སྙེམས་མ་བསྣམས།། རྡོ་རྗེ་སེམས་མ་ཡབ་དང་མཐུན།། ཤར་དུ་རྡོ་རྗེ་རྒྱལ་མཚན་དཀར།། ཕྱག
345b3 ན་ཆུ་སྲིན་གསེར་མདོག་བསྣམས།། ལྷོ་རུ་དབང་ཕྱུག་རྒྱལ་པོ་སེར།། ཕྱག་ན་ལྕགས་ཀྱུ་བསྣམས་པའོ།། ནུབ་ཏུ་བཀོད་པའི་རྒྱན་ནི་དམར།། ཕྱག་ན་མེ་ཏོག་བསྣམས་པའོ།། བྱང་དུ་རིན་ཆེན་འོད་འཕྲོ་ལྡང་།། ཕྱག་ན
345b4 རིན་ཆེན་བསྣམས་པའོ།། ཤར་དུ་བདེ་བ་རྒྱས་འདེབས་དཀར།། ཕྱག་ན་ཁ་ཊྭཱཾ་བསྣམས་པའོ།། ལྷོ་རུ་བདེ་བ་ཟ་བྱེད་སེར།། ཕྱག་ན་མདའ་གཞུ་འགེངས་པའོ།། ནུབ་ཏུ་བདེ་བ་རྨོངས་བྱེད་དམར།། ཕྱག་རྒྱ་ཐུགས
345b5 ཀར་བསྣོལ་བའོ།། བྱང་དུ་བདེ་བ་ཟ་བྱེད་ལྡང་།། ཕྱག་ན་དྲིལ་བུ་བསྣམས་པའོ།། ལྷོ་ནུབ་མཚམས་ཀྱི་དཀྱིལ་འཁོར་དུ།། གཙོ་བོ་ནམ་མཁའི་སྙིང་པོ་དཀར།། ཕྱག་ན་རིན་ཆེན་ཟ་མ་ཏོག། རིན་ཆེན་དབྱིངས་ཕྱུག
345b6 ཡབ་དང་མཐུན།། ཤར་དུ་སྣང་བའི་མཆོག་ནི་དཀར།། ཕྱག་ན་རྡོ་རྗེ་བསྣམས་པའོ།། ལྷོ་རུ་ཕྱག་རྒྱའི་རྒྱལ་པོ་སེར།། ཕྱག་ན་མདའ་གཞུ་བསྣམས་པའོ།། ནུབ་ཏུ་སྤོས་ཀྱི་གླང་པོ་དམར།། ཕྱག་ན་འོད་ཀྱི་ཟ་མ
iiif viewer powered by OpenSeadragon
