| e-texts navigator |
| Wylie |
342b1 དུ།། གཙོ་བོ་བྱམས་པ་ཆེན་པོ་ལ།། ཡུམ་ཆེན་པདྨའི་སེམས་མའོ།། ཤར་དུ་པདྨའི་རྒྱལ་པོ་ལ།། ལྷོ་རུ་པདྨ་དམ་པའོ།། ནུབ་ཏུ་རྡོ་རྗེ་མི་གཡོ་བ།། བྱང་དུ་རྡོ་རྗེ་ཐོགས་མེད་དང་།། ཤར་དུ་ལྷ་མོ་པདྨ་ཅན།། ལྷོ་རུ་ལྷ་མོ
342b2 འཛིན་བྱེད་མ།། ནུབ་ཏུ་ལྷ་མོ་སྐྱོན་བྲལ་མ།། བྱང་དུ་ལྷ་མོ་རྣམ་རྒྱལ་མའོ།། བྱང་ཤར་མཚམས་ཀྱི་དཀྱིལ་འཁོར་དུ།། གཙོ་བོ་སྒྲིབ་པ་རྣམ་སེལ་དང་།། ཡུམ་ཆེན་ལས་ཀྱི་སེམས་མ་ལ།། ཤར་དུ་རིན་ཆེན་དབང་ཕྱུག
342b3 མ།། ལྷོ་རུ་རྡོ་རྗེ་ཐུབ་པའི་ལས།། ནུབ་ཏུ་དག་པར་སྟོན་པ་དང་།། བྱང་དུ་མི་གཡོ་བ་ཡི་མཐའ། ཤར་དུ་ལྷ་མོ་དབྱངས་ཅན་མ།། ལྷོ་རུ་ལྷ་མོ་དྲི་མེད་མ།། ནུབ་ཏུ་ལྷ་མོ་སྒྲ་གཅན་མ།། བྱང་དུ་ལྷ་མོ་ཐོགས་མེད
342b4 མའོ།། དཀྱིལ་འཁོར་ཕྱི་ཡི་བར་ཁྱམས་ལ།། ཤར་སྟོད་མི་ཡི་ཐུབ་པ་ལ།། ཤར་སྨད་ལྷ་ཡི་ཐུབ་པའོ།། ལྷོ་སྟོད་ལྷ་མིན་ཐུབ་པ་ལ།། ལྷོ་སྨད་བྱོལ་སོང་ཐུབ་པའོ།། ནུབ་ཏུ་ཡི་དྭགས་ཐུབ་པ་སྟེ།། བྱང་དུ་དམྱལ
342b5 བའི་ཐུབ་པའོ།། ཤར་སྒོར་རྡོ་རྗེ་ལྕགས་ཀྱུ་མ།། ལྷོ་རུ་རྡོ་རྗེ་ཞགས་པ་མ།། ནུབ་ཏུ་རྡོ་རྗེ་ལྕགས་སྒྲོག་མ།། བྱང་དུ་རྡོ་རྗེ་དྲིལ་བུ་མའོ།། དེ་ལྟར་ལྷ་ཚོགས་བརྒྱ་པོ་རྣམས།། སྐུ་ནི་ཕྱག་རྒྱ་ཆེན་པོ་ལ།། གསུང་ནི་སྔགས་ཀྱི
342b6 དམ་ཚིག་སྟེ།། ཐུགས་ནི་ཕྱག་རྒྱ་ཆེན་པོར་ལྡན།། སྐུ་གསུང་ཐུགས་ཀྱི་ཕྱག་རྒྱར་གསལ།། སྣང་ལ་རང་བཞིན་མེད་པ་ནི།། མེ་ལོང་ནང་གི་གཟུགས་བརྙན་ནམ།། ཆུ་ཟླ་ནང་གི་གཟུགས་བརྙན་འདྲ།། ཞེས་གསུངས
iiif viewer powered by OpenSeadragon
