| e-texts navigator |
| Wylie |
341a1 བསྐོར།། འདོད་ཡོན་ལ་སོགས་གོང་འདྲ་རྟ་བབས་ལ་སོགས་སྒོ་རྒྱན་བྱ།། མུ་ཁྱུད་པདྨའི་ཕྲེང་བ་རྡོ་རྗེ་ཕྲེང་བ་ལྡན།། ཕུར་པ་མདའ་དང་མེ་ལོང་རལ་གྲི་ལ་སོགས་དགོད།། དར་དང་རས་ཀྱི་ཡོལ་བྲེ
341a2 ཚོན་སྐུད་དྲ་བར་གཞུག། དེ་ནི་བསྙེན་བསྒྲུབ་གཉིས་ཀའི་དཀྱིལ་འཁོར་ཡིན།། ཞེས་གསུངས་སོ།། རྡུལ་ཚོན་གྱི་དཀྱིལ་འཁོར་བྲི་བའི་ལེའུ་སྟེ་གསུམ་པའོ།། ། དེ་ནས་ཕྱོགས་བཅུའི་བདེ་བར་གཤེགས
341a3 པའི་ལྷ་ཚོགས་རྣམས་ཀྱིས།། བཅོམ་ལྡན་འདས་དཔལ་ཀུན་ཏུ་བཟང་པོ་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ཏེ་བདེ་གཤེགས་གཙོ།། ཏིང་འཛིན་དཀྱིལ་འཁོར་བཤད་དུ་གསོལ།། བཅོམ་ལྡན་འདས
341a4 ཀྱིས་བཀའ་སྩལ་པ།། དམ་པ་རིགས་བརྒྱའི་བསྒོམ་རིམ་ལ།། ཐོག་མར་བྱང་ཆུབ་སེམས་བསྐྱེད་དེ།། ཡན་ལག་བདུན་གྱིས་ཚོགས་བསགས་ལ།། དེ་བཞིན་ཉིད་ཀྱི་ཏིང་ངེ་འཛིན།། སྟོང་ཞིང་བདག་མེད་མ་བཅོས
341a5 བསྒོམ།། ཀུན་ཏུ་སྣང་བའི་ཏིང་འཛིན་ནི།། ཁྱབ་པའི་སྙིང་རྗེ་ཆེན་པོར་བསྒོམ།། དེ་ནས་རྒྱུ་ཡི་ཏིང་ངེ་འཛིན།། རང་སེམས་ཡི་གེ་ཨ་རུ་གསལ།། ཡི་གེ་ཨ་ཡི་བྱིན་རླབས་ལས།། ཨེ་ལས་ནམ་མཁའ་ཡཾ་ལས་རླུང་།། བཾ
341a6 ལས་ཆུ་དང་སུཾ་ལས་གསེར།། ལཾ་ལས་རི་རབ་རཾ་ལས་མེ།། བྷྲཱུཾ་ལས་རིན་ཆེན་གཞལ་ཡས་ཁང་།། དཀྱིལ་འཁོར་དགུ་ལ་དཀྱིལ་འཁོར་གཅིག། དབུས་ཀྱི་འཁོར་ལོ་རྩིབས་བཞི་ལ།། གྲུ་ཆད་སྒོ་བཞིར་བཅས་པ་ལ།།
iiif viewer powered by OpenSeadragon
