| e-texts navigator |
| Wylie |
340b1 བྱིན་བརླབས་ལ།། ཕོ་བྲང་དགུ་པའི་ཐིག་ཏུ་གདབ།། ཐིག་ནི་བཅུ་དྲུག་བཏབ་པ་ལ།། ཆ་ནི་བཞི་བཞིར་མཉམ་པར་དབྱེ།། རྩ་བ་དབུས་ཆ་གཉིས་ཏེ་མཐའ་གཉིས་དོར་བ་སྒོ།། རྒྱན་དང་ཆས་བྱ་དབུས་བརྒྱད་ཆ་ལས
340b2 སྒོ་འགྲམ་དང་།། ཡ་ཕུབས་ལོགས་ལ་སྒོ་ཁྱུད་ངོས་ལ་ཚོན་སྣ་ལྔས།། བསྐོར་བྱ་ཁྱམས་ཀྱི་ཆ་ལ་ལོངས་སྤྱོད་འགྲམ་གྱི་ཆ།། རིན་ཆེན་ཕ་གུ་ལོགས་རྒྱབ་ཆ་ལ་འགྲམ་དང་ཕྱེད།། ལོགས་རྒྱབ་ཆ་གཞན་ཀ་བ་ཆ་ལྔ་ཡ
340b3 ཕུབས་བཏེགས།། རྡོ་ར་རྣམ་བཞི་རྒྱན་གྱིས་རྣམ་མཛེས་རྟ་བབས་དགོད།། ཆོས་ཀྱི་འཁོར་ལོ་རྩེ་བྲན་གདུགས་མཛེས་རི་དྭགས་བཅས།། བ་དན་འཕན་དང་རིན་ཆེན་རྒྱལ་མཚན་མཛེས་པར་བྱ།། པད་ཕྲེང་མེ་འོད་རྡོ
340b4 རྗེའི་ཕྲེང་བས་མཛེས་པར་བསྐོར།། རྩ་བའི་དཀྱིལ་འཁོར་རང་གཞུང་ཅི་རིགས་མཛེས་པར་བསྐོར།། ས་ཚོན་སྣ་ལྔ་དཔའ་བོ་འབྲུ་ལྔ་ཡིས།། ཡེ་ཤེས་ལྔ་དང་ལྡན་པར་བྱིན་བརླབས་ལ།། དབུས་སུ་རིགས་སྦྱར་མུ་ཁྱུད
340b5 འོད་ཟེར་ལྡན།། རྩིབས་བཞི་རིགས་ཀྱིས་དབྱེ་ཞིང་གོང་ར་མཛེས་པའི་ཚོན།། མུ་ཁྱུད་རྡོ་རྗེའི་ར་བ་གྲུ་ཆད་ཁྱམས་ཚུལ་ཕྱོགས།། སྒོ་བཞི་རིགས་དང་སྦྱར་ལ་བརྩིག་པ་རིགས་ཀྱིས་དབྱེ།། འདོད་ཡོན་ཁྱམས་དམར
340b6 རིན་ཆེན་ཕ་གུ་སེར།། དྲ་བ་དྲ་ཕྱེད་སེར་ལ་ད་རུ་ཀ་ནི་ལྗང་། དབུས་ཀྱི་དཀྱིལ་འཁོར་དགུ་ལ་སྒོ་རྒྱན་བཅས།། ཕྱི་ཁྱམས་ཕྱོགས་ཀྱིས་ཕྱེ་ལ་སྒོ་ཡང་དེ་དང་བསྟུན།། རྩིག་པ་དཀར་མཐིང་སེར་དམར་ལྡང་གིས
iiif viewer powered by OpenSeadragon
