| e-texts navigator |
| Wylie |
340a1 མེད་པ་ལས། བདེ་བར་གཤེགས་པ་ཡབ་ཡུམ་སྲས་དང་བཅས་པ་ཐོན་པར་གྱུར་ནས། རང་བཞིན་གཉིས་སུ་མེད་པ་མཉམ་པ་ཉིད་སྒྱུ་མ་ལྟ་བུའི་ཏིང་འཛིན་ལ་སྙོམས་པར་ཞུགས་སོ།། གླེང་སློང་བའི
340a2 ལེའུ་སྟེ་གཉིས་པའོ།། །། དེ་ནས་ཕྱོགས་བཅུའི་བདེ་བར་གཤེགས་པ་ཀུན་གྱིས། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་བཙལ་ནས་འདི་སྐད་ཅེས་ཞུས་སོ།། ཀྱེ་ཀྱེ་བདེ་གཤེགས་ཆོས་ཀྱི
340a3 སྐུ།། རྟོག་པའི་དྲ་བ་གཞོམ་པའི་ཕྱིར།། བདེ་གཤེགས་རིགས་བརྒྱའི་སྒྲུབ་པའི་ཐབས།། ལེགས་པར་རྒྱས་པར་བསྟན་དུ་གསོལ།། ཞེས་ཞུས་པས།། བཅོམ་ལྡན་འདས་དཔལ་ཀུན་ཏུ་བཟང་པོས་གསུངས་པ། ཉོན
340a4 ཅིག་འདུས་པའི་འཁོར་ཚོགས་རྣམས།། ཕྱོགས་བཅུའི་བདེ་གཤེགས་ཐམས་ཅད་ནི།། རིགས་བརྒྱར་འདུས་པ་ངས་བཤད་དོ།། ཕུན་སུམ་ཚོགས་པའི་གནས་དག་ཏུ།། འདུ་འཛི་སྤངས་པའི་རྣལ་འབྱོར་པས།། ས་ཡི
340a5 ཆོ་ག་ལེགས་བྱས་ལ།། མགོན་པོ་ཐུགས་དམ་ཅན་རྣམས་མཆོད།། བཀྲ་ཤིས་ས་ལ་མཎྜལ་བྱ།། འདོམ་གང་རྒྱལ་ཆག་གང་དཔངས།། རྣམ་ལྔ་སྨན་གྱིས་ཆག་ཆག་གདབ།། སྟངས་སྟབས་ཁྲོ་བོས་མཚམས་བཅད
340a6 ལ།། དཀྱིལ་འཁོར་ཐིག་ནི་གདབ་པར་བྱ།། ཐིག་གཡོག་གྲོགས་དང་རབ་ལྡན་པས།། ཡེ་ཤེས་ལྔ་ལྡན་སྲིད་བུ་ཡིས།། མཁས་པས་དཀྱིལ་འཁོར་ཐིག་གདབ་བོ།། སློབ་དཔོན་ནུབ་ལ་སློབ་མ་ཤར།། རྡོ་རྗེ་ཁུ་ཚུར
iiif viewer powered by OpenSeadragon
