| e-texts navigator |
| Wylie |
339b1 སོ།། དེ་ནས་ཡུམ་གྱིས་བསྐུལ་བ།། ཀྱེ་ཀྱེ་བདེ་གཤེགས་ཀུན་གྱི་གཙོ།། མ་རིག་མུན་ལ་འཇོམས་པའི་བདག། ཀུན་ཀྱང་འགྲོ་བའི་དོན་བྱའི་ཕྱིར།། དྲི་མེད་གསལ་བ་ཉི་ཟླའི་འོད།། ཆོས་ཉིད་མཉམ་པའི་ཀློང་ན
339b2 བཞུགས།། རིགས་ཀྱི་རིགས་ཏེ་རིགས་ཀྱི་གཙོ། མུན་པ་འཇོམས་པའི་ཤེས་རབ་འོད།། འགྲོ་བ་སྒྲོལ་བའི་དེད་དཔོན་གཙོ།། འཁོར་བའི་དྲི་མ་འཁྲུད་པའི་ཆུ།། འགྲོ་བ་ཡོངས་ཀྱི་གཉེན་གཅིག་པོ།། གཉིས་མེད་བདེ།
339b3 བའི་དབྱིངས་དཀྱིལ་དུ།། དགྱེས་པ་ཆེན་པོ་དབབ་ཏུ་གསོལ།། ཞེས་ཡུམ་གྱི་མཉམ་པའི་ངང་ལ་གནས་ནས་དེ་སྐད་ཅེས་གསུངས་སོ།། དེ་ནས་བཅོམ་ལྡན་འདས་དགྱེས་པ་ཆེན་པོ་དེས། རྒྱལ་པོ་དགའ་བ་ཞེས་བྱ
339b4 བའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེའི་ཚིག་འདི་སྐད་གླེངས་སོ།། ཀྱེ་ཧོ་རྒྱལ་བ་འགྲོ་བའི་དོན་བྱའི་ཕྱིར།། རིགས་ཀྱི་ཡུམ་དང་གཉིས་མེད་པར།། པདྨ་ཆེན་པོ་གདངས་སུ་གསོལ།། འཁོར་གྱི་རྣམ་པ
339b5 བསྐྱེད་དུ་གསོལ།། གཉིས་སུ་མེད་པར་བཞུགས་སུ་གསོལ།། དེ་ནས་ཡུམ་ཆེན་མོ་ཉིད་ཀྱི་བསམ་པ་གཡོས་པར་གྱུར་ཏོ། ཨེ་མ་ཧོ།། སྟོན་པས་བསྟན་པ་འདི་བསྟན་ཕྱིར།། འཁོར་བ་འདུལ་བའི་དེད་དཔོན
339b6 གཙོ།། དགྱེས་པའི་རྡོ་རྗེ་དཔའ་བོ་ཡིས།། གཉིས་མེད་དགྱེས་པར་གྱུར་ནས་ནི།། གསང་བ་ཆེན་པོའི་ཆར་ཆེན་ཕོབ། ཨ་ལ་ལ་ཧོ། ས་མ་ཡ་སྟྭཾ། ཨ་ནུ་རཱ་ག་ཧོ། ཛཿཧཱུཾ་བཾ་ཧོཿ། ཧཱུཾ་ཏྲཱཾ་ཧྲཱི་ཧཿ། དེ་ནས་ཡབ་ཡུམ་གཉིས་སུ
iiif viewer powered by OpenSeadragon
