| e-texts navigator |
| Wylie |
339a1 ན་བཞུགས།། ནམ་མཁའི་ཆོ་འཕྲུལ་སྟོན་པ་ལྟར།། རང་བཞིན་འོག་མིན་ཆོས་དབྱིངས་ནས།། གསུང་གིས་དོན་རྣམས་མི་སྟོན་ཏེ།། ཐུགས་ཀྱིས་ཆོས་རྣམས་མཇལ་བར་སྟོན།། ཞེས་ཡབ་ཡུམ་གཉིས
339a2 པོ་མཉམ་པ་ལ་བཞུགས་ནས། མཉམ་པ་དང་རྟོགས་པའི་སྒོ་ནས་གླེང་གཞིའི་ལེའུ་སྟེ་དང་པོའོ།། །། དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོ།། འོག་མིན་གྱི་གནས་ན་ཡུམ་དང་འཁྲིལ་ཚུལ་དུ
339a3 བཞུགས་པ་ལས། ཡབ་ཀྱིས་གླེངས་པ།། ཀྱེ་ཀྱེ། དག་པ་དྲི་མ་མེད་པའི་ཆོས།། བླ་མེད་བྱང་ཆུབ་སྒྲུབ་པའི་ཐབས།། འཁོར་བའི་རྣམ་རྟོག་གཞོམ་པ་དང་།། དྲག་པོས་འགྲོ་བ་དྲང་བའི་ཕྱིར།། ཡབ་ཡུམ་གཉིས་མེད
339a4 འཁྲིལ་བའི་ཚུལ།། ཞེས་རྡོ་རྗེ་གསང་བའི་ཚིག་ཏུ་བརྗོད་དོ།། དེ་ནས་ཡུམ་ཡང་མཉམ་པ་ཉིད་ཀྱིས་འཁྲིལ་བའི་ཚུལ་གྱིས་བསྐུལ་བ།། ཀྱེ་ཀྱེ། བདེ་གཤེགས་རྡོ་རྗེ་རིགས་ཀྱི་གཙོ།། མཉམ་པ་ཆེན་པོའི་དོན་བསྟན
339a5 ནས།། གང་ལ་འདུལ་བ་བསྟན་པའི་ཕྱིར།། མི་འགྱུར་རྡོ་རྗེའི་གཙོ་མཆོག་ལ།། གཉིས་མེད་ཆེན་པོས་འཁྱུད་པར་བྱ།། ཞེས་གསུངས་སོ།། དེ་ནས་དགྱེས་པ་ཆེན་པོ་དེས།། གསང་བའི་ཐུགས་མཉམ་པའི་ངང་གིས།།
339a6 ཀྱེ་ཀྱེ་སྙིང་པོ་དོན་གྱི་གཙོ།། བདེ་བར་གཤེགས་པ་ཀུན་གྱི་སྲས།། འཁོར་བ་ཡོངས་ཀྱི་དེད་དཔོན་པོ།། གཉིས་སུ་མེད་པའི་ཡུམ་དང་བཞུགས།། ཞེས་གླེངས་ཏེ་མི་གཡོ་བའི་ཏིང་ངེ་འཛིན་ལ་སྙོམས་པར་ཞུགས
iiif viewer powered by OpenSeadragon
