| e-texts navigator |
| Wylie |
338a1 ཆེན་པོ་ལ།། ཆུ་བྲན་ཐམས་ཅད་འབབ་ཅིང་འདུ།། དེ་བཞིན་བྱང་ཆུབ་སེམས་ཉིད་ལས།། འཁོར་འདས་གཉིས་ཀ་འབྱུང་ཞིང་འདུ།། ཞེས་རྡོ་རྗེའི་ཚིག་ཏུ་གསུངས་སོ།། ཨེ་མ་ཧོ།། བདེ་བར་གཤེགས
338a2 པའི་སྙིང་པོ་ནི།། ནམ་མཁའ་བཞིན་དུ་བརྟག་དཀའ་ཞིང་།། མེ་ལོང་གཟུགས་བཞིན་གཟུང་དུ་མེད།། བྲག་ཆ་བཞིན་དུ་བརྗོད་དང་བྲལ།། བཅུད་ཀྱི་རྡོ་རྗེ་སྙིང་པོ་འདི།། བདག་དང་གཞན་དུ་བརྗོད་དུ་མེད།། བསྟན
338a3 དུ་མེད་པའི་ཆོས་ཉིད་འདི།། བརྗོད་དུ་མེད་པར་གོ་བར་གྱིས།། བརྗོད་མེད་བརྗོད་པ་བརྗོད་པའི་མཆོག། མཉན་བསམ་བསྒོམ་པའི་ཤེས་རབ་ཀྱིས།། བློ་ཡི་རྟོག་པ་ཁ་ཕྱེ་ལ།། ངེས་པའི་དོན་འདི་རྟོགས་པར
338a4 གྱིས།། ངེས་པའི་དོན་འདི་མ་རྟོགས་ན།། བསྒོམ་དང་བསྒྲུབ་པ་ཡུན་རིང་ཀྱང་།། མི་ཤེས་གཟུང་འཛིན་འཆིང་བའི་རྒྱུ།། དེ་ཕྱིར་རྟོགས་པ་སྔོན་དུ་འགྲོ། རྟོགས་པ་གདེང་དུ་མ་གྱུར་ན།། ཅི་ལྟར་སྤྱད་ཀྱང་འཆིང་བའི
338a5 རྒྱུ།། རྟོགས་པའི་གདེང་གི་ལྟ་བ་ནི།། དངོས་པོ་གཤིས་ཀྱི་གནས་ལུགས་བརྟགས།། ངེས་པའི་དོན་འདི་མ་རྟོགས་ན།། མཉམ་བཞག་བསྒོམ་པ་ཆགས་པའི་རྒྱུ།། སྤུ་གྲིའི་ནགས་ཚལ་ལ་སོགས་ཀྱང་།། རང་གི་རྟོག
338a6 པས་བརྟས་པའི་ཕྱིར།། དེ་ཕྱིར་རྟོགས་པ་སྔོན་དུ་གཏང་།། རྟོགས་པའི་དོན་འདི་རབ་ཏུ་གཅེས།། ཞེས་བདེ་བར་གཤེགས་པ་ཉིད་ཀྱི་ཆོས་ཀྱི་སྐུ་སྐྱེ་བ་མེད་པ་ལས་ཆོས་ཉིད་རང་སྒྲར་བྱུང་བའི་ངང་ལས། ལོངས་སྤྱོད
iiif viewer powered by OpenSeadragon
