| e-texts navigator |
| Wylie |
337b1 ཚིག་ཏུ་གསུངས་སོ།། ཀྱེ་ཀྱེ་ཐུགས་རྗེ་ཆེན་པོའི་བྱིན་རླབས་ལས།། སྟོང་གསུམ་རྒྱལ་བའི་སྐུས་གང་ཡང་།། བྱང་ཆུབ་སེམས་ལས་གཡོས་པ་མེད།། དཔེར་ན་ནམ་མཁའི་འཇའ་ཚོན་བཞིན།། དཀར་དམར་སྔོ་སྟེ་ངོས
337b2 གཟུང་མེད།། དེ་བཞིན་སེམས་ཀྱི་རང་བཞིན་ཡང་།། འདི་ཞེས་གཅིག་ཏུ་བསྟན་དུ་མེད།། མི་ཤེས་པར་སྣང་འཇའ་ཚོན་འདྲ།། དེ་ཕྱིར་མ་བཅོས་ཇི་བཞིན་བཞག། ཅེས་རྡོ་རྗེ་གསང་བའི་ཚིག་ཏུ་གསུངས་སོ།། བདེ
337b3 བར་གཤེགས་པ་ཀུན་གྱི་གཙོ།། ཡབ་ཡུམ་སྲས་དང་བཅས་སྣང་ཡང་།། བྱང་ཆུབ་སེམས་ཀྱི་ངོ་བོར་གཅིག། སྐྱེ་འཆི་མེད་པ་བྱང་ཆུབ་སེམས།། འདུ་འབྲལ་མེད་དེ་ཆོས་ཀྱི་སྐུ།། བཟང་ངན་མེད་དེ་འཁོར་འདས
337b4 ཆོས།། རྒྱུ་འབྲས་མེད་དེ་མཉམ་པ་ཉིད།། འགག་པ་མེད་དེ་སེམས་ཉིད་ནི།། དཔེར་ན་རྨི་ལམ་སྒྱུ་མ་འདྲ།། ནམ་མཁའ་བཞིན་དུ་ཡེ་ནས་གནས།། ནམ་མཁའ་འདི་ནི་འདི་འདྲ་ཞེས།། ཚིག་ཏུ་རབ་ཏུ་བརྗོད་དུ
337b5 མེད།། དེ་བཞིན་སེམས་ཀྱི་རང་བཞིན་ཡང་།། འདི་ཞེས་གཅིག་ཏུ་བསྟན་དུ་མེད།། བསྟན་ན་གཟུང་འཛིན་འཁྲུལ་པའི་ཆོས།། བསྟན་དུ་མེད་པ་བལྟ་བའི་མཆོག། བསྒོམ་དུ་མེད་པ་སྒོམ་པའི་མཆོག། བསྲུང་དུ་མེད
337b6 པའི་དམ་ཚིག་ནི།། མ་བསྲུངས་བཞིན་དུ་ལྷུན་གྱིས་གྲུབ།། མ་ནོར་པ་ཡི་ཆོས་ཉིད་ལ།། རང་བཞིན་སྐྱེ་མེད་ཆོས་ཀྱི་དབྱིངས།། མ་བཅོས་པ་ཡི་བྱང་ཆུབ་སེམས།། རྒྱུ་དང་འབྲས་བུ་མ་བཀག་ཆོས།། དཔེར་ན་རྒྱ་མཚོ
iiif viewer powered by OpenSeadragon
